Manyadali 15:14 - BAIBLO ALOO NGMAMI KLƆUKLƆU Ɔ

¹⁴ Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Manyadali 15:14 ပူးပေါင်းရင်းမြစ်များ

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

La 118:11

A bɔle mi kɛ kpe; a sa ye yi, se ngɛ Yawɛ he wami nya a, i kpata a hɛ mi!

Samuel I, 17:35

i nyɛɛɔ e se nɛ i ya fiaa lɛ nɔ, nɛ i jeɔ to bi ɔ ngɛ e nya mi. Ke e plɛ kɛ wo mi ɔ, i nuɔ e tsitsa nɛ i fiaa lɛ nɔ́ kɛ ya siɔ e gboɔ.

Samuel I, 11:6

Benɛ Saul nu munyu nɛ ɔ, Mawu mumi ɔ ba e nɔ, nɛ e mi mi fu wawɛɛ nitsɛ.

Manyadali 14:6

Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

La 18:34

E tsɔɔ mi ta hwumi níhi a he ní tsumi; akɔblee kɛ̃ɛ̃ po ma nyɛ ma tsɛ̃.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Samuel I, 4:5

Benɛ Yawɛ somi daka a ba su ma sito he ɔ, Israel tsuo hwɔ lele wawɛɛ, nɛ lɔ ɔ ha zugba mimiɛ.

Manyadali 16:24

Benɛ ni ɔmɛ a bua jɔ a he ɔ, a de ke, “Nyɛ tsɛ Samson kɛ ba nɛ e ba wo wa nya muɔ bɔɔ!” Kɛkɛ nɛ a ya ngɔ Samson kɛ je tsu ɔ mi, nɛ a kɛ lɛ ba da titima enyɔ ɔmɛ a kpɛti, nɛ́ e je ni ɔmɛ a hɛja. Benɛ ni ɔmɛ na lɛ ɔ, a je a mawu ɔ yi, nɛ a de ke, “Wa mawu ɔ ngɔ wa he nyɛlɔ, kɛ nɔmlɔ nɛ kpata wa zugba a hɛ mi, nɛ́ e gbe wa ti nihi babauu ɔ kɛ wo wa dɛ mi!”

Manyadali 16:12

Lɔ ɔ he ɔ, Delila ya hla tangme hehi nɛ e kɛ ba fi Samson; nɛ e de lɛ ke, “Samson! Filisti bi ɔmɛ ma mo numi!” Jamɛ a be ɔ mi ɔ, nyumu ɔmɛ ya wo ka ngɛ se tsu ko mi. Samson tsɔ tangme ɔmɛ nɛ a ngɔ kɛ fi e kɔni ɔmɛ kaa a tsɔɔ nazee.

Manyadali 16:9

Jamɛ a be ɔ mi ɔ, e ha nɛ nyumu komɛ ya wo ka ngɛ se tsu ko mi. Kɛkɛ nɛ e de lɛ ke, “Samson! Filisti bi ɔmɛ ma mo numi!” Se Samson tsɔ kɛ̃ɛ̃ mi kpa amɛ kaa bɔ nɛ ke la sa bo lomi kpa he nɛ e tsɔɔ ɔ. Lɔ ɔ he ɔ, laami sane nɛ ngɛ he nɛ e naa e he wami ɔ kɛ jeɔ ɔ, a li.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

Mose II, 14:5

Benɛ a ya bɔ Egipt matsɛ ɔ ke ni ɔmɛ tu fo kɛ je ɔ, Farao ɔ kɛ e tsɔli ɔmɛ tsake a juɛmi ngɛ Israel bi ɔmɛ a he, nɛ a de ke, “Mɛni wa pee nɛ ɔ, kaa wa ngmɛɛ Israel bi ɔmɛ a he nɛ a ho nɛ a be wɔ sɔmɔe hu nɛ ɔ?”

Mose II, 14:3

Farao ɔ ma susu kaa Israel bi ɔmɛ ya tla blɔ, nɛ a ngɛ lalaalo woe ngɛ nga a nɔ, nɛ nga a sá a yi.

Manyadali 15:13

A de lɛ ke, “Dɛbi, wa be mo gbee. Pe wa maa fi mo kɛkɛ nɛ waa ngɔ mo ya wo a dɛ mi.” Kɛkɛ nɛ a ngɔ tangme he enyɔ kɛ fi lɛ, nɛ a kɛ lɛ je tɛ sa a mi kɛ ba.

Manyadali 15:9

Pee se ɔ, Filisti bi ɔmɛ ya bua a he nya ngɛ Yuda, nɛ a je lejɛ ɔ kɛ ya tua Lehi.

Samuel I, 10:6

Yawɛ mumi ɔ maa ba o nɔ; o maa do, nɛ o ma kpa huhui kaa mɛ, nɛ o ma plɛ pee nɔmlɔ kpa.

Samuel I, 10:10

Benɛ Saul kɛ e tsɔlɔ ɔ ya su Gibea a, e kɛ gbali a kuu ko kpe; nɛ tlukaa a, Mawu mumi ɔ ba e nɔ, nɛ e kɛ mɛ bɔni domi, kɛ huhui kpami.