Manyadali 15:13 - BAIBLO ALOO NGMAMI KLƆUKLƆU Ɔ

¹³ A de lɛ ke, “Dɛbi, wa be mo gbee. Pe wa maa fi mo kɛkɛ nɛ waa ngɔ mo ya wo a dɛ mi.” Kɛkɛ nɛ a ngɔ tangme he enyɔ kɛ fi lɛ, nɛ a kɛ lɛ je tɛ sa a mi kɛ ba.

Manyadali 15:13 ပူးပေါင်းရင်းမြစ်များ

Manyadali 15:12

A de lɛ ke, “Wa ma mo fimi nɛ waa ngɔ mo ya wo Filisti bi ɔmɛ a dɛ mi.” Samson de mɛ ke, “Nyɛ ka mi kita kaa nyɛ nitsɛmɛ nyɛ be mi nɔ́ ko pee.”

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Manyadali 16:11

Samson de lɛ ke, “Ke a ngɔ tangme hehi nɛ a kɛ tsu we nɔ́ ko hyɛ kɛ fi mi ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Ni Tsumi 21:33

Jehanɛ asafoatsɛngua a hɛ lɛ kɛ su Paulo he, nɛ e pɛtɛ e he, nɛ e fa ke a wo lɛ kɔsɔkɔsɔ enyɔ. Kɛkɛ nɛ e bi ke, “Nyumu nɛ ɔ, mɛnɔ ji lɛ; nɛ mɛni e pee?”