Manyadali 14:6 - BAIBLO ALOO NGMAMI KLƆUKLƆU Ɔ

⁶ Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Manyadali 14:6 ပူးပေါင်းရင်းမြစ်များ

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Samuel I, 11:6

Benɛ Saul nu munyu nɛ ɔ, Mawu mumi ɔ ba e nɔ, nɛ e mi mi fu wawɛɛ nitsɛ.

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Yesaya 42:2

E be ngmlaa kpae, nɛ e be munyu tue boboobo nɛ a nu ngɛ gbɛjegbɛ ɔmɛ a nɔ hulɔ.

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,

Manyadali 16:30

nɛ e de ke, “Ha nɛ i kɛ Filisti bi ɔmɛ nɛ gbo!” Kɛkɛ nɛ Samson ngɔ e he wami tsuo kɛ tsɛ̃ titima amɛ; nɛ tsu ɔ hule pue matsɛmɛ ɔmɛ, kɛ nihi tsuo pɛpɛɛpɛ nɛ ngɛ lejɛ ɔ a nɔ. Nɛ nimli nɛ Samson gbe ligbi ɔ nɛ e gbo ɔ, a hiɛ kulaa pe nimli nɛ e gbe ngɛ e wami be mi.

Manyadali 15:15

Kɛkɛ nɛ e na teji ko nɛ gbo kɛ we tsitsa mi wu. E ba si nɛ e kɛ̃, nɛ e kɛ gbe nyumuhi akpe.

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Manyadali 11:29

Kɛkɛ nɛ Yawɛ mumi ɔ ba Yefta nɔ; nɛ e ya kpa Gilead kɛ Manase, nɛ e po mi kɛ ho Gilead Mizpa ya. Nɛ́ e je lejɛ ɔ, e pue nɔ kɛ ho Amon bi ɔmɛ a ngɔ ya.

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

Manyadali 14:5

Samson kɛ e tsɛ kɛ e nyɛ pue nɔ kɛ ho Timna ya. Benɛ a su Timna wai ngmɔ ɔmɛ a mi ɔ, Samson na jata bɔbɔyoo ko nɛ ngɛ huãe kɛ ma e ngɔ.

Manyadali 14:7

Lɔ ɔ se ɔ, e ho nɛ e kɛ e yo ɔ ya sɛɛ ní; Samson ná yo ɔ he bua jɔmi saminya.

Samuel I, 10:6

Yawɛ mumi ɔ maa ba o nɔ; o maa do, nɛ o ma kpa huhui kaa mɛ, nɛ o ma plɛ pee nɔmlɔ kpa.

La 91:13

O maa naa jata, kɛ sanga nɔ; o maa naa jata bi kɛ sinɔ nɔ.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Samuel I, 10:16

Saul he nɔ ke, “E de wɔ ke a na teji ɔmɛ.” Se Saul de we e tsɛ nyɛminyumu ɔ ke Samuel de lɛ ke e ma ba ye matsɛ.

Samuel I, 14:1

Ligbi ko ɔ, Saul binyumu Yonatan de niheyo ɔ nɛ hɛɛɔ e ta hwumi ní ɔmɛ ke, “Ha waa po mi kɛ ho Filisti bi ɔmɛ a sito he ɔ ya.” Se e sɛ́ e tsɛ.