Manyadali 14:5 - BAIBLO ALOO NGMAMI KLƆUKLƆU Ɔ

⁵ Samson kɛ e tsɛ kɛ e nyɛ pue nɔ kɛ ho Timna ya. Benɛ a su Timna wai ngmɔ ɔmɛ a mi ɔ, Samson na jata bɔbɔyoo ko nɛ ngɛ huãe kɛ ma e ngɔ.

Manyadali 14:5 ပူးပေါင်းရင်းမြစ်များ

Manyadali 14:4

E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

Manyadali 14:6

Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Yoshua 15:10

Jehanɛ, huzu ɔ lɔgɔ Baala bonyoku je kɛ ho Seir yo ɔ he ya, nɛ e bɔle Yearim yo ɔ, (Yearim yo ɔ biɛ kpa ji Kesalon). Huzu ɔ kple si kɛ ya su Bet Shemesh, kɛ ya gu Timna.

Samuel I, 17:35

i nyɛɛɔ e se nɛ i ya fiaa lɛ nɔ, nɛ i jeɔ to bi ɔ ngɛ e nya mi. Ke e plɛ kɛ wo mi ɔ, i nuɔ e tsitsa nɛ i fiaa lɛ nɔ́ kɛ ya siɔ e gboɔ.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Kronika I, 11:22

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e pee ní nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ. Jehanɛ hu, ligbi ko benɛ snoo ngɛ nɛe ɔ, e ya sɛ muɔ ko mi nɛ e gbe jata ngɛ lejɛ ɔ.

La 91:13

O maa naa jata, kɛ sanga nɔ; o maa naa jata bi kɛ sinɔ nɔ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.