Manyadali 14:3 - BAIBLO ALOO NGMAMI KLƆUKLƆU Ɔ

³ Se e tsɛ kɛ e nyɛ bi lɛ ke, “Anɛ yo ko yo ko be o nyɛmimɛ ɔmɛ a biyi ɔmɛ, kɛ wa ma mi bi ɔmɛ tsuo a kpɛti, loko o yaa ngɔ yo ngɛ Filisti bi mɔmlɔtɔtsɛmɛ nɛ ɔmɛ a kpɛti ɔ?” Samson de e tsɛ ɔ ke, “Yaa nɛ o ya bi e si ha mi, ejakaa i suɔ lɛ.”

Manyadali 14:3 ပူးပေါင်းရင်းမြစ်များ

Mose I, 13:8

Abram de Lot ke, “Nyɛmimɛ ji wɔ; wa ko pɛ, nɛ wa ko ha nɛ pɛ ba sɛ wa lohwe nɔ hyɛli ɔmɛ hu a kpɛti.

Mose I, 21:27

Enɛ ɔ se ɔ, Abraham ke Abimelek to kɛ na, nɛ mɛ ni enyɔ ɔmɛ ka a he kita.

Mose I, 34:14

A de mɛ ke, “Wa be nyɛe maa pee ja kaa waa kɛ wa nyɛmiyo ma ha mɔmlɔtɔtsɛ; ke wa pee ja kɛkɛ wa pue wa hɛ mi si.

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Yoshua 23:12

Ke nyɛ kpale ngɛ e se, nɛ nyɛɛ kɛ je ma amɛ nɛ piɛ ngɛ nyɛ kpɛti ɔ ya bɔ, nɛ nyɛ ha nyɛ yi ɔmɛ gba mɛ, nɛ nyɛ hu nyɛ ngɔ a yi ɔmɛ ɔ,

Manyadali 14:2

Benɛ e kpale e se kɛ ba a, e ba de e tsɛ kɛ e nyɛ ke, “I ya na Filisti yiheyo ko ngɛ Timna; lɔ ɔ he ɔ, nyɛ ya bi e si ha mi nɛ ma ngɔ lɛ.”

Manyadali 15:18

Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 31:4

Kɛkɛ nɛ Saul de e ta hwumi ní hɛɛlɔ ɔ ke, “Moo hia o klaate ɔ nɛ o kɛ gbe mi, nɛ́ mɔmlɔtɔtsɛmɛ nɛ ɔmɛ ko ba gbe mi nɛ a bɔ mi ahlua.” Se niheyo ɔ ye gbeye, nɛ e nyɛ we nɛ e pee ja. Lɔ ɔ he ɔ, Saul nitsɛ kɛ̃ e klaate ɔ, nɛ e kɛ gbe e he.