Manyadali 14:18 - BAIBLO ALOO NGMAMI KLƆUKLƆU Ɔ

¹⁸ Ligbi nɛ ji kpaago ɔ, loko pu nɔ si ɔ, ma a mi nyumu ɔmɛ ba de Samson ke, “Ajo ɔ sisi ji nɛ ɔ nɛ: ‘Mɛni ngɔɔ pe hwo? Nɛ mɛni he wa pe jata?’ ” Samson de mɛ ke, “Kaa nyɛ ya ngɔɛ ye na zangmayo ɔ kɛ hu we jinɛ nyɛ ko li ye ajo ɔ sisi.”

Manyadali 14:18 ပူးပေါင်းရင်းမြစ်များ

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Abɛ Womi 30:30

Jata: e he wa pe lohwehi tsuo, nɛ e yi lohwe ko lohwe ko gbeye.

La 81:16

Se nyɛɛ lɛɛ ma lɛ nyɛ kɛ ngma kpakpa. Ma ha nyɛ hwo babauu kɛ je tɛ sa mi nɛ nyɛ maa ye.”

Ezekiel 1:10

Hɛ kali eywiɛ ɔmɛ ngɛ hɛ mi slɔɔtoslɔɔto eywiɛɛywiɛ. Bɔ nɛ a hɛ mi ɔmɛ ngɛ ji nɛ ɔ nɛ: nɔmlɔ hɛ mi ngɛ hɛ mi, jata hɛ mi ngɛ hiɔ nɔ, na hɛ mi ngɛ muɔ nɔ, nɛ kɔle hɛ mi ngɛ se je.