Manyadali 13:5 - BAIBLO ALOO NGMAMI KLƆUKLƆU Ɔ

⁵ Ke o fɔ binyumuyo nɛ ɔ, asoyi kó ya e yi mi; ejakaa kɛ je e fɔmi be ɔ, a maa tsukɔ e he kɛ ha Mawu, nɛ e maa hi si kaa Nazir no. Israel kpɔmi kɛ je Filisti bi ɔmɛ a dɛ mi ɔ, lɛ nɛ e ma ba je sisi.”

Manyadali 13:5 ပူးပေါင်းရင်းမြစ်များ

Mose IV, 6:5

“Ligbi abɔ nɛ e ngɛ Nazir no si womi nɛ ɔ sisi ɔ, e ko sã e yi nɔ. E ngmɛɛ e yi bwɔmi he nɛ e ka gagaaga; nɛ e pee e he klɔuklɔu.

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Kronika I, 18:1

Pee se ɔ, Matsɛ David ya tua Filisti bi ɔmɛ ekohu, nɛ e ye a nɔ. E ngɔ a ma nguaa a nɛ a tsɛɛ Gat ɔ, kɛ kɔpehi nɛ bɔle ma a.

Samuel I, 7:13

Bɔ nɛ a plɛ kɛ ye Filisti bi ɔmɛ a nɔ ji nɛ ɔ nɛ. Samuel yi nɔ ɔ, Yawɛ ngmɛ́ blɔ nɛ Filisti bi ɔmɛ ya tua Israel ngɛ a zugba a nɔ hu.

Samuel II, 8:1

Enɛ ɔ se ɔ, David ya tua Filisti bi ɔmɛ ekohu, nɛ e ye a nɔ. E ngɔ a ma nguaa pe kulaa nɛ a tsɛɛ Gat ɔ.

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Manyadali 16:17

Nyagbenyagbe ɔ, e gba Delila e laami sane ɔmɛ tsuo. E de lɛ ke, “Kɛ je benɛ i ngɛ ye nyɛ mi mi lokoo ɔ, a tsukɔ ye he ngɔ ha Mawu kaa Nazir no; lɔ ɔ he ɔ, asoyi nya yɛ ye yi mi hyɛ. Ke a sã ye yi nɔ pɛ ye he wami ɔ maa je ye mi. Kɛkɛ ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Amos 2:11

I hla nyɛ binyumu ɔmɛ ekomɛ nɛ i pee mɛ gbali. I pee nyɛ nihewi ɔmɛ ekomɛ Nazir bi.