Manyadali 13:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, hyɛ o he nɔ saminya. Koo nu wai, loo dã nɛ nya wa; nɛ koo ye nɔ́ ko nɛ he tsɔ we hulɔ.

Manyadali 13:4 ပူးပေါင်းရင်းမြစ်များ

Mose III, 11:47

Mlaa nɛ ɔ tsɔɔ slɔɔto nɛ ngɛ lohwehi nɛ a he tsɔ, kɛ lohwehi nɛ a he tsɔ we a kpɛti, kɛ slɔɔto nɛ ngɛ lohwehi nɛ a yeɔ, kɛ lohwehi nɛ a yi a kpɛti.

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Ni Tsumi 10:14

Se Petro ke, “Nyɔmtsɛ, dɛbi; nɔ́ ko nɛ a buu kaa e he tsɔ we, loo e sɛ nɛ a yeɔ ɔ, i yi hyɛ.”

Manyadali 13:13

Yawɛ bɔfo ɔ de Manoa ke, “O yo ɔ hɛ nɛ hi nɔ́ tsuaa nɔ́ nɛ i de lɛ ɔ nɔ.

Manyadali 13:14

Nɔ́ tsuaa nɔ́ nɛ jeɔ wai tso mi ɔ, e ko ye eko kɔkɔɔkɔ. Jehanɛ, e ko nu wai, loo dã nɛ nya wa; nɛ e ko ye nɔ́ ko nɛ he tsɔ we hulɔ. Mlaa amɛ nɛ i wo lɛ ɔ, e ye kulaa nɔ.”

Manyadali 13:7

Se nɔ́ nɛ e de mi ji, ‘O nɛ, o ma na mi, nɛ o ma fɔ binyumu. Lɔ ɔ he ɔ, koo nu wai, loo dã ko nɛ nya wa. Koo ye nɔ́ ko nɛ he tsɔ we hulɔ; ejakaa kɛ je jokuɛ nyumuyo nɛ ɔ fɔmi be ɔ, a maa tsukɔ e he kɛ ha Mawu, nɛ e maa pee Nazir no e wami ligbi ɔmɛ tsuo.’ ”