Manyadali 13:18 - BAIBLO ALOO NGMAMI KLƆUKLƆU Ɔ

¹⁸ Se Yawɛ bɔfo ɔ bi lɛ ke, “Mɛni he je o ngɛ hlae nɛ o le ye biɛ? Ye biɛ ɔ, e ji nyakpɛ biɛ.”

Manyadali 13:18 ပူးပေါင်းရင်းမြစ်များ

Mose I, 32:29

Yakob de nyumu ɔ ke, “Jehanɛ lɛɛ moo tsɔɔ mi o biɛ.” Se nyumu ɔ bi lɛ ke, “Mɛni he je o ngɛ hlae nɛ o le ye biɛ ɔ? Kɛkɛ nɛ e gbaa Yakob.”

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Manyadali 13:6

Yo ɔ ba nɛ e ba de e huno ɔ ke, “Mawu nɔmlɔ ko ba ye ngɔ; e hɛ mi ngɛ gbeye kaa Mawu bɔfo hɛ mi. I bi we lɛ he nɛ e je, nɛ lɛ hu e tsɔɔ we mi e biɛ.

Mose I, 32:30

Yakob wo lejɛ ɔ biɛ ke Peniel, nɛ e de ke, “I wo kikɛmɛ a biɛ nɛ ɔ, ejakaa i na Mawu hɛ mi kɛ hɛ mi, se i gbo we.”

Mose II, 23:21

Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.