Manyadali 13:14 - BAIBLO ALOO NGMAMI KLƆUKLƆU Ɔ

¹⁴ Nɔ́ tsuaa nɔ́ nɛ jeɔ wai tso mi ɔ, e ko ye eko kɔkɔɔkɔ. Jehanɛ, e ko nu wai, loo dã nɛ nya wa; nɛ e ko ye nɔ́ ko nɛ he tsɔ we hulɔ. Mlaa amɛ nɛ i wo lɛ ɔ, e ye kulaa nɔ.”

Manyadali 13:14 ပူးပေါင်းရင်းမြစ်များ

Yohane 2:5

Jehanɛ ɔ Yesu nyɛ de tsɔli ɔmɛ ke, “Nɔ́ tsuaa nɔ́ nɛ e ma de nyɛ ɔ, nyɛɛ pee.”

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

2 Tesalonikabi 3:4

Nyɔmtsɛ ɔ ha wa he nyɛ ye saminya. Enɛ ɔ he je ɔ, wa ngɛ nɔ mi mami kaa nɔ́ nɛ wa de ke nyɛɛ pee ɔ, nyɛ ngɛ pee, nɛ nyɛ maa ya nɔ maa pee.

Manyadali 13:4

Lɔ ɔ he ɔ, hyɛ o he nɔ saminya. Koo nu wai, loo dã nɛ nya wa; nɛ koo ye nɔ́ ko nɛ he tsɔ we hulɔ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Manyadali 13:7

Se nɔ́ nɛ e de mi ji, ‘O nɛ, o ma na mi, nɛ o ma fɔ binyumu. Lɔ ɔ he ɔ, koo nu wai, loo dã ko nɛ nya wa. Koo ye nɔ́ ko nɛ he tsɔ we hulɔ; ejakaa kɛ je jokuɛ nyumuyo nɛ ɔ fɔmi be ɔ, a maa tsukɔ e he kɛ ha Mawu, nɛ e maa pee Nazir no e wami ligbi ɔmɛ tsuo.’ ”

Mose IV, 6:4

Ligbi abɔ nɛ Nazir no ji lɛ ɔ, e ko ye nɔ́ ko nɛ a kɛ wai tso he nɔ́ ko pee; wai tso yiblii ɔ mi wu ɔ jio, e he toto jio, e ko ye.

Yeremia 35:6

Se a he nɔ ke, “Wa be wai nue, ejakaa wa nɛ̃, Yonadab wo wɔ mlaa ke wa ko nu wai ligbi ko ligbi ko, wɔ jio, wa nina jio.

Mose IV, 6:2

“Mo de Israel bi ɔmɛ ke, ke nyumu ko, loo yo ko je blɔ ka Nazir no peemi kita, nɛ e wo si kaa e maa ngɔ e he ngɔ ha Yawɛ ɔ,