Manyadali 12:6 - BAIBLO ALOO NGMAMI KLƆUKLƆU Ɔ

⁶ a ma de lɛ ke e de ke, “Shibolet.” Ke e lilɛ ya dɛ nɔ nɛ e ya de ke, “Sibolet” mohu ɔ, a maa nu lɛ nɛ a maa gbe lɛ ngɛ Yordan pa a pomi he ɔmɛ. Jamɛ a be ɔ mi ɔ, a gbe Efraim bi akpe nyingmi eywiɛ kɛ enyɔ.

Manyadali 12:6 ပူးပေါင်းရင်းမြစ်များ

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Marko 14:70

Se Petro kplɛɛ we ekohu. Pee se bɔɔ ɔ, nihi nɛ daa si ngɛ lejɛ ɔ de Petro ekohu ke, “Anɔkuale mi ɔ, a ti nɔ kake ji mo; ejakaa Galilea no ji mo!”

Mateo 26:73

Be bɔɔ se ɔ, nihi nɛ daa si ngɛ lejɛ ɔ ba Petro ngɔ ba de lɛ ke, “Anɔkuale mi ɔ, ni ɔmɛ a ti nɔ kake ji mo; ejakaa o munyu tumi tete jeɔ mo si!”

Mateo 12:25

Yesu le nɔ́ nɛ a ngɛ susue ɔ, lɔ ɔ he ɔ, e de mɛ ke, “Matsɛ yemi tsuaa matsɛ yemi nɛ mi ma gba, nɛ a kɛ a he maa hi ta hwue ɔ, e se kɛ we. Jã kɛ̃, ma tsuaa ma, aloo we tsuaa we nɛ e mi ma gba, nɛ a kɛ a he maa hi ta hwue ɔ, e dɛ si.

Yesaya 27:12

Israel bi, nyɛ na nɛ nyɛɛ le kaa jamɛ a ligbi ɔ, kɛ je Yufrate pa a nya kɛ yaa si Egipt huzu ɔ nya a, Yawɛ ma bua e ma a nya kɛ je je ma amɛ a mi kakaaka kaa nɔ ko nɛ ngɛ ngma mi sae, nɛ e ngɛ ngma nitsɛ ɔ hlae kɛ je tsakati ɔ mi.

Fiɛlɔ 10:12

Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Abɛ Womi 18:19

Ke o kɛ o nyɛmi pɛ ɔ, e ma plɛ e se kɛ wo mo kaa bɔ nɛ ke a kɛ dade la agbo se ngɛ mɔ mi nɛ nɔ ko nyɛ we mi sɛmi ɔ.

Abɛ Womi 17:14

Pɛ sisi jemi ngɛ kaa nyu nɛ a bli nya nɛ́ e be; lɔ ɔ he ɔ, benɛ nya sami ɔ mi wɛ lolo ɔ, moo ngmɛɛ he.

La 69:15

Ko ha nɛ nyu kpekpemi ɔ nɛ sa mi kɛ ho, loo ma tlɔ nyu ɔ sisi, loo ma ya sɛ muɔ voo ɔ mi, nɛ e ba ma e nya nɛ e mi mi.

La 69:2

i ngɛ pue ngɛ mɔsɔ nɛ mi kuɔ mi, nɛ si dami he ko kulaa be ha mi. I ya su nyu nɛ mi kuɔ mi, nɛ nyu ɔ miɔ nɛ e laa ye yi.

Manyadali 12:5

Gilead bi ɔmɛ ya tsi blɔ ha Efraim bi ɔmɛ ngɛ Yordan pa pomi he ɔmɛ. Lɔ ɔ he ɔ, Efraim bi ɔmɛ nɛ ngɛ fo tue ɔ, ke a ti nɔ ko ke a ha lɛ blɔ nɛ e po pa a, Gilead bi ɔmɛ ma bi lɛ ke, “Efraim no ji mo lo?” Ke e he nɔ ke, “Dɛbi!” ɔ,

Manyadali 12:7

Yefta, Gilead no ɔ da Israel ma a nya jeha ekpa. Lɔ ɔ se ɔ, e ba gbo; nɛ a pu lɛ ngɛ e ma mi, ngɛ Gilead.