Manyadali 11:39 - BAIBLO ALOO NGMAMI KLƆUKLƆU Ɔ

³⁹ Nyɔhiɔ enyɔ se ɔ, e kpale e se kɛ ba e tsɛ ɔ ngɔ ekohu; nɛ e tsɛ ɔ pee lɛ kaa bɔ nɛ e wo Yawɛ si ke e maa pee ɔ pɛpɛɛpɛ. Yefta biyo ɔ li nyumu nɛ e kɛ gbo. Nɛ nɔ́ nɛ ɔ ba plɛ pee kusumi ngɛ Israel

Manyadali 11:39 ပူးပေါင်းရင်းမြစ်များ

Manyadali 11:31

nɛ i ya ye kunimi nɛ i kpale ba a, nɔmlɔ saisaa nɛ maa je kpo kɛ je ye we ɔ mi ba kpee mi ɔ, e maa pee mo, Yawɛ o nɔ; nɛ ma ngɔ lɛ kɛ sã sami bɔ.”

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 1:28

Lɔ ɔ he ɔ, imi hu i ngɔ lɛ ba ha Yawɛ. E maa pee Yawɛ nɔ́ e wami ligbi ɔmɛ tsuo.” Kɛkɛ nɛ a ja Yawɛ ngɛ lejɛ ɔ.

Samuel I, 1:24

Benɛ e tsɔ lɛ nyɔ se ɔ, e ngɔ lɛ kɛ ho Yawɛ we ɔ ya ngɛ Shilo. E ngɔ na ku kake nɛ ye jeha etɛ, ngma mamu kilo nyɔngma, kɛ wai lohwe he womi tɔ kake kɛ ho.

Samuel I, 1:22

Se Hana lɛɛ e yɛ, ejakaa e de e huno ɔ ke, “Ke i tsɔ jokuɛ ɔ nyɔ pɛ ma ngɔ lɛ kɛ ya Yawɛ we ɔ; nɛ lejɛ ɔ e maa hi e wami be tsuo.”

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Manyadali 11:38

E tsɛ ɔ de lɛ ke, “Yaa.” Nɛ e ha lɛ blɔ nɛ e kɛ e huɛmɛ ɔmɛ ho nɛ a ya ye nyɔhiɔ enyɔ ngɛ yoku ɔmɛ a nɔ; nɛ a wo yana, nɛ a ye kɔmɔ kaa Yefta biyo ɔ li nyumu nɛ e kɛ gbo.

Manyadali 11:40

nɛ daa jeha a, zangmawi ɔmɛ yaa nɛ a ya yeɔ kɔmɔ ligbi eywiɛ kɛ kaiɔ Gilead no Yefta biyo ɔ.

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.