Manyadali 11:36 - BAIBLO ALOO NGMAMI KLƆUKLƆU Ɔ

³⁶ E biyo ɔ de lɛ ke, “Tsaatsɛ, ke o wo Yawɛ si niinɛ ɔ, lɛɛ nɔ́ tsuaa nɔ́ nɛ o kɛ o nya de ke o maa pee mi ɔ, pee; ejakaa Yawɛ ye o he nyɛli, nɛ ji Amon bi ɔmɛ a he lue ha mo.”

Manyadali 11:36 ပူးပေါင်းရင်းမြစ်များ

Samuel II, 18:19

Kɛkɛ nɛ Zadok bi Ahimaaz de Yoab ke, “Ha nɛ ma tu fo nɛ ma ya bɔ matsɛ ɔ amaniɛ kaa Yawɛ wo lɛ nguɔ, nɛ e je lɛ kɛ je e he nyɛli ɔmɛ a dɛ mi.”

Filipibi 2:30

Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Romabi 16:4

Ye he ɔ, e piɛ nguɛ nya nɛ a sake a he lo ngɔ fɔ he. I ngɛ mɛ si nae saminya; ee, pi imi kɛkɛ, se ma je li ɔmɛ asafo ɔmɛ tsuo ngɛ mɛ si nae.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Samuel II, 19:30

Se Mefiboshet de ke, “Oo, ha nɛ e ngɔ lɛ tsuo kɛkɛ; nɛ́ ye nyɔmtsɛ matsɛ ná ba su we fiafiaafia nɛ ɔ kɛkɛ e hiɛ ha mi.”

Samuel II, 18:31

E kɛ we nɛ Kush no ɔ hu ba nɛ e ba de matsɛ ɔ ke, “Nɛnɛ, mo he manye! Mwɔnɛ ligbi nɛ ɔ, Yawɛ je mo kɛ je nihi tsuo pɛpɛɛpɛ nɛ te si ngɔ wo mo ɔ a dɛ mi.”

Mose IV, 30:2

Ke nyumu ko wo Yawɛ si, aloo e ka e he kita kaa e maa nyɛ nɔ́ ko ɔ, e ko kpale e nya se; nɔ́ tsuaa nɔ́ nɛ e kɛ e nya de ɔ, e pee.

Yoshua 12:2

Matsɛmɛ nɛ ɔmɛ a ti nɔ kake ji Amor bi ɔmɛ a Matsɛ Sihon nɛ hi Heshbon ɔ. E nɔ yemi hehi ji nɛ ɔmɛ nɛ: Gilead fa a, kɛ je Aroer ngɛ Arnon kɔ̃ ɔ nya kɛ gu kɔ̃ ɔ mi, kɛ ya su Yabok pa a nya ngɛ Amon bi ɔmɛ a huzu ɔ nya.