Manyadali 11:3 - BAIBLO ALOO NGMAMI KLƆUKLƆU Ɔ

³ Enɛ ɔ he ɔ, Yefta tu fo kɛ je e nyɛmimɛ ɔmɛ a he, nɛ e ya hi Tob zugba a nɔ. Yakayaka nimli komɛ ho nɛ a ya piɛ e he ngɛ lejɛ ɔ; nɛ ke pee ɔ, e kɛ mɛ yaa nɛ a ya fiaa nihi ojo.

Manyadali 11:3 ပူးပေါင်းရင်းမြစ်များ

Samuel II, 10:6

Benɛ Amon bi ɔmɛ na kaa a ya hla munyu ngɛ David he ɔ, a tsɔ ya bɔ Siria ta buli akpe nyingmi enyɔ apaa kɛ je Bet Rehob kɛ Zoba. Jehanɛ hu, a ya bɔ Maaka matsɛ, kɛ e we bi akpe apaa kɛ piɛ Tob bi akpe nyɔngma kɛ enyɔ a he.

Samuel II, 10:8

Amon bi ɔmɛ hia nɛ a ya gba ta ngɛ a ma nguaa a nɛ a tsɛɛ Raba a agbo ɔ nya. Se ni kpa amɛ nɛ ji Siria bi ɔmɛ, kɛ ni nɛmɛ nɛ je Tob kɛ Maaka a, mɛɛ lɛɛ a tsɔ a he kɛ ho nga a nɔ ya.

Ni Tsumi 17:5

Se Yuda bi ɔmɛ je nɔ́ nɛ ɔ he hunga, nɛ a ya ngɔ yakayaka nimli dikali komɛ ngɔ piɛ a he. Benɛ a nya ba bua fuu ɔ, a ha ma a mi tsuo pee hliihlii. A ya tua nyumu ko nɛ a tsɛɛ Yason e we ɔ kaa a maa ngɔ Paulo kɛ Sila ya ha ma a.

Manyadali 11:2

Gilead kɛ lɛ nitsɛ e yo ɔ hu fɔ binyumuhi. Benɛ Gilead yo ɔ binyumu ɔmɛ ba wa a, a fie Yefta kɛ je we ɔ mi; nɛ a de lɛ ke, “O be gbosi ní yee ngɛ wa tsɛ we ɔ; ejakaa moo lɛɛ yo kpa bi ji mo.”

Manyadali 9:4

A ha lɛ sika hiɔ yi nyingmi kpaago kɛ je Baal Berit jami he ɔ, nɛ Abimelek ngɔ sika a kɛ ya bɔ yakayaka nimli komɛ apaa kɛ ba nyɛɛ e se.

Samuel I, 22:2

Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.

Samuel I, 27:2

Lɔ ɔ he ɔ, David kɛ e ta buli lafa ekpa amɛ pue nɔ kɛ ho Maok binyumu Akish nɛ ji Gat matsɛ ɔ ngɔ ya.