Manyadali 11:21 - BAIBLO ALOO NGMAMI KLƆUKLƆU Ɔ

²¹ Se Israel Mawu ɔ ngɔ Sihon kɛ e tabo ɔ tsuo ngɔ wo Israel bi ɔmɛ a dɛ mi, nɛ a ye a nɔ kunimi. Lɔ ɔ he ɔ, Israel bi ɔmɛ ngɔ Amor bi ɔmɛ a zugba a tsuo ngɔ pee mɛ nitsɛmɛ a nɔ.

Manyadali 11:21 ပူးပေါင်းရင်းမြစ်များ

Mose IV, 21:24

Se Israel bi ɔmɛ kɛ klaate tane a yi, nɛ a ngɔ a zugba a kɛ je Arnon pa a nya kɛ ya pue Yabok pa a nɛ ji Amon bi ɔmɛ a huzu ɔ nya, ejakaa Amon bi ɔmɛ a huzu ɔ, a fia gbogbo ngɛ nɔ.

Mose V, 2:32

Kɛkɛ nɛ Matsɛ Sihon kɛ e ma a tsuo je kpo nɛ a kɛ wɔ ba hwu ta ngɛ Yahaz.

Manyadali 11:20

Se Sihon ngmɛ́ Israel bi ɔmɛ blɔ nɛ a gu e zugba a nɔ kɛ be. Mohu, Sihon bua e ma a tsuo nya ngɛ Yahaz, nɛ a ya tua Israel bi ɔmɛ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Yoshua 6:2

Yawɛ de Yoshua ke, “I ngɔ Yeriko, kɛ a matsɛ ɔ, kɛ a ta buli katsɛmɛ ɔmɛ tsuo ngɔ wo o dɛ.

Kronika II, 13:5

Anɛ nyɛ li kaa Yawɛ, Israel Mawu ɔ, kɛ David so somi ko nɛ a be se kpalee gblegbleegble, kaa David kɛ e nina maa ye Israel nɔ matsɛ kɛ maa ya neneene lo?

Kronika II, 13:16

Israel bi ɔmɛ tu fo ngɛ Yuda bi ɔmɛ a nya, se Mawu ha nɛ Yuda bi ɔmɛ a nine su a nɔ.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.