Manyadali 11:10 - BAIBLO ALOO NGMAMI KLƆUKLƆU Ɔ

¹⁰ Gilead ma nimeli ɔmɛ he nɔ ke, “Wa maa pee kaa bɔ nɛ o de ɔ pɛpɛɛpɛ; Yawɛ ji wa we odase.”

Manyadali 11:10 ပူးပေါင်းရင်းမြစ်များ

Mose I, 16:5

Kɛkɛ nɛ Sarai de Abram ke, “Mo lɛ o pee loko Hagar ngɛ e he nɔ woe ngɛ ye nɔ, nɛ e pa bui mi hu ɔ nɛ. Imi nitsɛ lɛ i ngɔ lɛ kɛ ha mo. Se kɛ je benɛ e na kaa mi ba e he ɔ, e bɔni e he nɔ womi ngɛ ye nɔ, nɛ e bui mi hu. Yawɛ nɛ kojo wɔ, nɛ e tsɔɔ nɔ nɛ nɔ́ da, mo jio, imi jio!”

Mose I, 21:23

Lɔ ɔ he ɔ, ka mi kita ngɛ Mawu hɛ mi ngɛ hiɛmɛ nɛ ɔ, kaa o be imi, aloo ye bimɛ, aloo ye nina sisie kɔkɔɔkɔ. Kaa bɔ nɛ i kɛ mo hi si saminya a, mo hu o kɛ imi, kɛ zugba a nɛ o ba to nubwɔ ngɛ nɔ ɔ nɛ hi si ja nɔuu.”

Mose I, 31:50

Laban ya nɔ nɛ e de ke, “Ke o ya wa ye biyi ɔmɛ yi mi, aloo o ya ngɔ yi kpa komɛ ngɔ piɛ a he nɛ i li po ɔ, kai kaa Mawu ji imi kɛ mo wa we odase.

Mose I, 31:53

Abraham kɛ Nahor a Mawu ɔ nɛ ji a tsɛ ɔ Mawu ɔ maa kojo imi kɛ mo wa kpɛti.” Kɛkɛ nɛ Yakob ngɔ Mawu nɛ e tsɛ Isak jaa lɛ ɔ biɛ kɛ ka kita kaa e maa ye si womi nɛ ɔ nɔ.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 42:5

Mɛ hu a de mi ke, “Sɛ gbi tsuaa sɛ gbi nɛ Yawɛ, wa Mawu ɔ ma ha mo ke o ba de wɔ ɔ, wa maa ye nɔ. Ke wa pee we ja a, Yawɛ nitsɛ nɛ ye odase kɛ si wɔ!

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

Mose V, 1:16

“Jamɛ a be ɔ mi ɔ, i wo ma nya dali ɔmɛ mlaa ke, ‘Sanehi nɛ nyɛ nyɛmimɛ ɔmɛ kɛ maa ba nyɛ hɛ mi ɔ, nyɛɛ hyɛ a mi. Nyɛɛ kojo ngɛ blɔ nɛ da nɔ, nyɛ nyɛmimɛ Israel bi sɔuu a kpɛti sane jio, a ti nɔ ko kɛ nibwɔhi nɛ ngɛ nyɛ ngɔ a kpɛti sane jio.

Manyadali 11:9

Yefta de Gilead ma nimeli ɔmɛ ke, “Ke nyɛ kpale mi kɛ ho, nɛ i kɛ Amon bi ɔmɛ ya hwu ta, nɛ e ba mi kaa Yawɛ ngɔ mɛ ngɔ wo ye dɛ mi ɔ, lɛɛ ma pee nyɛ nyatsɛ.”

Samuel I, 12:5

Samuel de mɛ ke, “Yawɛ, kɛ nɔ nɛ e wo lɛ matsɛ ɔ ji ye we odasehi mwɔnɛ ɔ, kaa nyɛ nɛ nɔ́ ko nɔ́ ko ngɛ ye he.” A he nɔ ke, “Ee, Yawɛ ji wa we odase.”

Samuel I, 24:12

Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.