Manyadali 10:9 - BAIBLO ALOO NGMAMI KLƆUKLƆU Ɔ

⁹ Jehanɛ se hu, Amon bi ɔmɛ po Yordan pa a, nɛ a kɛ Yuda, Benyamin, kɛ Efraim wɛtso ɔmɛ ya hwu ta. Nɔ́ nɛ ɔ ha nɛ Israel yi fi wawɛɛ nitsɛ.

Manyadali 10:9 ပူးပေါင်းရင်းမြစ်များ

Kronika II, 14:9

Ligbi ko ɔ, Sudan no ko nɛ a tsɛɛ lɛ Zera ba tua Yuda. E kɛ ta buli ayɔ, kɛ ta zugba lɛ lafa etɛ ba tua ma a, nɛ a ba su Maresha tɔɔ.

Kronika II, 15:5

Jamɛ a be ɔ mi ɔ, nɔ ko nɔ ko nyɛ we nɛ e jeɔ kpo nɛ e yaa nɛ e baa ngɛ he jɔmi mi, ejakaa haomi kɛ basabasa ngɛ zugba amɛ tsuo a nɔ.

Mose V, 28:65

Nyɛ be tue mi jɔmi nae ngɛ he ko he ko; he ko be nɛ nyɛ ma tsɛ ke nyɛ nitsɛmɛ nyɛ nɔ́; Yawɛ ma ha nyɛ tsui maa hi poe; nyɛ hɛ kɛ nɔ fɔmi maa ta, nɛ nyɛ nine mi maa je wu.

Manyadali 10:10

Kɛkɛ nɛ Israel ma a fa kue ha Yawɛ, nɛ a de ke, “Wa pee mo yayami; ejakaa wa si mo, wa Mawu ɔ, nɛ wa ya sɔmɔ Baalhi.”

Manyadali 10:8

A hao Israel bi tsuo nɛ ngɛ Amor bi a zugba a nɔ, ngɛ Yordan pa a se, ngɛ Gilead ɔ wawɛɛ nitsɛ, nɛ a wa mɛ yi mi jeha nyɔngma kɛ kpaanyɔ sɔuu.

Manyadali 11:4

Be bɔɔ se ɔ, Amon bi ɔmɛ ba, nɛ a kɛ Israel bi ɔmɛ ba hwu ta.

Manyadali 2:15

He tsuaa he nɛ a gba ta kɛ gu kɛkɛ Yawɛ ha matahu ba po mɛ kaa bɔ nɛ e ka kita ke e maa pee mɛ ɔ. Nɛ a yi fi wawɛɛ nitsɛ.

Manyadali 6:2

Midian bi ɔmɛ wa Israel bi ɔmɛ yi mi. Midian bi ɔmɛ a he je ɔ, Israel bi ɔmɛ ya tsua muɔhi, tɛ puɔhi, kɛ laami he kpahi kɛ ha a he ngɛ yo ɔmɛ a nɔ.

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”