Manyadali 10:6 - BAIBLO ALOO NGMAMI KLƆUKLƆU Ɔ

⁶ Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.

Manyadali 10:6 ပူးပေါင်းရင်းမြစ်များ

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ I, 11:7

Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

Matsɛmɛ I, 11:5

E ya ja Sidon bi ɔmɛ a yo mawu ɔ nɛ a tsɛɛ Astarte ɔ, kɛ Amon bi a wɔ yaya a nɛ a tsɛɛ lɛ Milkom ɔ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

La 106:36

A sɔmɔ a we amaga amɛ, nɛ enɛ ɔ ha nɛ a kpa Mawu se nyɛɛmi.

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Manyadali 16:23

Ligbi ko ɔ, Filisti matsɛmɛ ɔmɛ ba bua a he nya, konɛ a nya nɛ a sã bɔ nguaa ko kɛ ha a mawu ɔ nɛ a tsɛɛ lɛ Dagon ɔ. A de ke, “Wa mawu ɔ ngɔ wa he nyɛlɔ Samson ngɔ wo wa dɛ mi.”

Kronika II, 28:23

E sãã bɔhi kɛ haa Siria mawu ɔmɛ nɛ ba ye e nɔ kunimi ɔ. E deɔ ke, “Siria mawu ɔmɛ piɛɔ Siria matsɛmɛ ɔmɛ a he. Lɔ ɔ he ɔ, ke i sã bɔ kɛ ha mɛ ɔ, a maa piɛ imi hu ye he.” Nɔ́ nɛ ɔ kɛ haomi ba e kɛ e ma a tsuo nɔ.

Matsɛmɛ I, 16:31

E pi ha Ahab kaa e maa pee yayami kaa bɔ nɛ Yeroboam pee ɔ kɛkɛ, se e ya nɔ pee yayami kɛ be nɔ. E ya ngɔ Sidon matsɛ, Etbaal biyo Yezebel, nɛ e ya ja Baal.

Samuel I, 5:2

nɛ a kɛ lɛ ya ma a wɔ ɔ nɛ a tsɛɛ lɛ Dagon ɔ kasa nya ngɛ piɛ ɔ mi.

Manyadali 13:1

Israel bi ɔmɛ pee yayami kɛ si Yawɛ ekohu; nɛ Yawɛ ngɔ mɛ kɛ wo Filisti bi ɔmɛ a dɛ mi jeha nyingmi eywiɛ.

Manyadali 6:1

Israel bi ɔmɛ pee yayami kɛ si Yawɛ ekohu. Lɔ ɔ he ɔ, Yawɛ hu ngɔ mɛ kɛ wo Midian bi ɔmɛ a dɛ mi jeha kpaago.

Manyadali 4:1

Ehud gbenɔ se ɔ, Israel bi ɔmɛ pee yayami kɛ si Yawɛ ekohu.

Manyadali 3:7

Israel bi ɔmɛ a hɛ je Yawɛ, a Mawu ɔ nɔ; a pee yayami kɛ si lɛ, nɛ a ya sɔmɔ Baalhi kɛ Ashera.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Yoshua 13:31

Gilead ma a fa, kɛ Ashtarot kɛ Adrei ngɛ zugba nɛ a ngɔ kɛ ha Manase wɛtso fa a mi. Ma nguahi nɛ ngɛ Bashan matsɛ, Og nɔ yemi he ɔ ji ma nɛ ɔmɛ. A ngɔ ma nɛ ɔmɛ tsuo ngɔ ha Manase binyumu Makir nina fa a we puɔ nya we puɔ nya.

Manyadali 10:5

Yair ba gbo, nɛ a pu lɛ ngɛ Kamon.

Manyadali 11:24

Nɔ́ tsuaa nɔ́ nɛ nyɛ mawu Kemosh ɔ ha nyɛ ɔ, nyɛɛ ngɔ. Wɔ hu, nɔ́ tsuaa nɔ́ nɛ Yawɛ, wa Mawu ɔ kpɔ kɛ fɔ si ha wɔ ɔ, wa maa ngɔ.

Yesaya 23:4

Sidon ma, zo gbe mo! Bɔ nɛ wo kpetekpleenyɛ ɔ ngɛ mo dee ji nɛ ɔ nɛ: “I fɔ we hyɛ, nɛ i lɛ́ binyumuwi kɛ biyiwi hyɛ.”

Ezekiel 27:16

Siria bi hu ba heɔ o guɛ ní slɔɔtoslɔɔto ɔmɛ. A ngɔɔ ní nɛ ɔmɛ kɛ ba woɔ o guɛ ní ɔmɛ a he hiɔ: tɛ nɛ he jua wa nɛ hɛɛ ba mumu su, bo he jua wawɛ nɛ hɛɛ alamua tu su, bo nɛ a lo ní kɛ wo mi, kploba kpakpa, tenglɛnglɛ, kɛ tɛ nɛ he jua wa nɛ kpɛɔ kaa ahuhuɛ.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Mose V, 13:8

Koo kplɛɛ, nɛ koo bu lɛ tue tete po. Koo na lɛ mɔbɔ; koo baa e yi; koo laa e nɔ.

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Yeremia 2:20

Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.