Manyadali 10:4 - BAIBLO ALOO NGMAMI KLƆUKLƆU Ɔ

⁴ E ngɛ binyumuhi nyingmi etɛ nɛ a hii teji nyingmi etɛ a nɔ. Jehanɛ, a ngɛ ma nyingmi etɛ ngɛ Gilead zugba a nɔ; nɛ kɛ ba si mwɔnɛ ligbi nɛ ɔ, biɛ nɛ a kɛ tsɛɔ ma amɛ ji Yair kɔpehi.

Manyadali 10:4 ပူးပေါင်းရင်းမြစ်များ

Samuel II, 16:2

Matsɛ ɔ bi lɛ ke, “Jije o kɛ ní nɛ ɔmɛ yaa?” Ziba he nɔ ke, “I ngɔ teji ɔmɛ kɛ ba, konɛ o we bi ɔmɛ nɛ a hi a nɔ. I ngɔ abolo ɔ kɛ tso yiblii ɔmɛ kɛ ba konɛ nihewi ɔmɛ nɛ a ye. Jehanɛ, i kɛ wai hu ba, konɛ ke pɔ tɔ nihewi ɔmɛ ngɛ nga a nɔ nɛ a nu.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mose IV, 32:41

Yair nɛ je Manase wɛtso ɔ mi ɔ hu ya tua kɔpe komɛ, nɛ e ngɔ mɛ, nɛ e wo mɛ biɛ ke Havot Yair (e sisi ji Yair kɔpehi).

Mose V, 3:14

Yair nɛ je Manase wɛtso ɔ mi ɔ ngɔ Argob zugba nɛ a tsɛɛ Bashan ɔ tsuo kɛ ya su Geshur bi ɔmɛ, kɛ Maaka bi ɔmɛ a huzu ɔ nya. E ngɔ e biɛ ngɔ wo kɔpe ɔmɛ; nɛ kɛ ba si mwɔnɛ ɔ, a tsɛɛ mɛ ke Yair kɔpehi.

Manyadali 10:3

Tola se ɔ, Yair, Gilead no ɔ ba. Lɛɛ e da Israel ma a nya jeha nyingmi enyɔ kɛ enyɔ.

Manyadali 10:5

Yair ba gbo, nɛ a pu lɛ ngɛ Kamon.

Manyadali 12:14

E ngɛ binyumuhi nyingmi eywiɛ kɛ bibinyumuhi nyingmi etɛ nɛ hii teji nyingmi kpaago a nɔ. Abdon da Israel ma a nya jeha kpaanyɔ.

Manyadali 5:10

Nyɛ nihi nɛ nyɛ hii teji yo futafutahi a nɔ! Nyɛ nɛ nyɛ hii tsu mi hami zugba bo kpakpahi a nɔ, kɛ nyɛ nane nyɛɛli tsuo, nyɛɛ fiɛ nɛ a nu!