Manyadali 10:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Manyadali 10:16 ပူးပေါင်းရင်းမြစ်များ

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Hebribi 3:10

Lɔ ɔ he ɔ, ye mi mi fu jamɛ a yi nɔ bi ɔmɛ, nɛ i de ke, ‘Daa nɛ ɔ, a dɔ a tsui kɛ je ye he, nɛ a li ye blɔ ɔmɛ.’

Efesobi 4:32

Niinɛ, nyɛɛ na nyɛ sibi mɔbɔ; nyɛ tsui mi nɛ sã nyɛ ngɛ nyɛ sibi a he, nɛ nyɛɛ ngɔ a he yayami kɛ pa mɛ kaa bɔ nɛ Mawu hu ngɔ nyɛ he yayami ɔmɛ ngɔ pa nyɛ kɛ gu Kristo nɔ ɔ.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 15:20

Kɛkɛ nɛ e te si, nɛ e pue nɔ kɛ yaa e tsɛ ɔ ngɔ. “Se benɛ e nyɛɛ tsitsaa lokoo kɛ ma a, e tsɛ ɔ na lɛ, nɛ e ní pee lɛ mɔbɔ, nɛ e sa fo kɛ ho ya fua lɛ, nɛ e fiɔ e nya he.

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Kronika II, 33:15

E je ma se mawu ɔmɛ, kɛ amaga a nɛ e ngɔ ya ma Yawɛ we ɔ kɛ je lejɛ ɔ. Bɔ sami la tɛhi nɛ a pee ha mawuhi nɛ ngɛ yoku ɔ nɔ, he nɛ Yawɛ ɔ we ɔ ngɛ ɔ, kɛ ní nɛmɛ nɛ ngɛ he kpahi ngɛ Yerusalem ɔ, e je mɛ tsuo pɛpɛɛpɛ. E muɔ mɛ kɛ ho ya sake ngɔ pue ma a nya.

Kronika II, 15:8

Benɛ Matsɛ Asa nu gba gbi nɛ ɔ kɛ je Oded binyumu Azaria nya a, e nɔ gbagba te. E je amagahi tsuo kɛ je Yuda kɛ Benyamin zugba a nɔ. E je amagahi tsuo kɛ je mahi nɛ e ya kpɔ ngɛ Efraim yo ɔmɛ a nɔ ɔ hu a mi, nɛ e dla Yawɛ bɔ sami la tɛ ɔ nɛ ngɛ Yawɛ we ɔ hɛ mi ɔ.

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Yoshua 24:23

Yoshua kɛ fɔ a hɛ mi ke, “Ke jã a, lɛɛ nyɛ je ma se mawu ɔmɛ ngɔ hɛ pue he, nɛ nyɛɛ wo si kaa nyɛ maa ye Yawɛ, Israel Mawu ɔ anɔkuale.”

Mose I, 6:6

e dɔ lɛ nɛ e pia e he kaa e bɔ nɔmlɔ nɛ e kɛ lɛ wo je ɔ mi.

Yohane 11:34

E bi mɛ ke, “Jije nyɛ to lɛ ngɛ?” A he nɔ ke, “Nyɔmtsɛ, ba nɛ o ba hyɛ.”

Samuel I, 7:3

Samuel de Israel bi ɔmɛ ke, “Ke nyɛ maa kpale ba nyɛɛ Yawɛ se niinɛ kɛ nyɛ tsui tsuo ɔ, lɛɛ nyɛ je ma se mawu ɔmɛ, kɛ yo wɔ Ashtarot ɔ kɛ je nyɛ kpɛti. Nyɛ dla nyɛ tsui mi kɛ ha Yawɛ, nɛ nyɛ sɔmɔ lɛ nɔ kake too, nɛ e ma je nyɛ kɛ je Filisti bi ɔmɛ a dɛ mi.”

Samuel I, 12:10

Kɛkɛ nɛ a fa kue ha Yawɛ, nɛ a de ke, ‘Wa pee yayami, ejakaa wa je Yawɛ se nɛ wa ya ja Baal amaga amɛ, kɛ yo wɔ Ashtarot ɔ hu e we amaga amɛ. Mo kpɔ wɔ kɛ je wa he nyɛli ɔmɛ a dɛ mi, nɛ wa ma sɔmɔ mo!’

La 73:21

Benɛ i hao, nɛ i ngɛ tsui yee ɔ,

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Samuel I, 7:4

Lɔ ɔ he ɔ, Israel bi ɔmɛ ngmɛɛ a Baal ɔmɛ, kɛ Ashtarot ɔ he, nɛ a sɔmɔ Yawɛ pɛ.

Matsɛmɛ II, 13:23

se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.