Manyadali 1:9 - BAIBLO ALOO NGMAMI KLƆUKLƆU Ɔ

⁹ Lɔ ɔ se ɔ, a ya tua Kanaan bi nɛ ngɛ yoku ɔmɛ a nɔ ngɛ leneyi je ɔ, kɛ ni nɛmɛ nɛ ngɛ nga nɔ zugba a nɔ ɔ.

Manyadali 1:9 ပူးပေါင်းရင်းမြစ်များ

Mose I, 12:9

Pee se ɔ, Abram je lejɛ ɔ, nɛ e tsa e blɔ hiami ɔ nɔ kɛ gu Kanaan leneyi blɔ. Ke e nyɛɛ bɔɔ e to si bɔɔ.

Yoshua 10:36

Enɛ ɔ se ɔ, Yoshua kɛ Israel tabo ɔ tsuo je Eglon, nɛ a kuɔ Hebron yo ɔ. A ya tua Hebron,

Yoshua 11:21

Jamɛ a be ɔ mi ɔ, Yoshua ya kpata oblaihi a nina komɛ a hɛ mi. A tsɛɛ mɛ ke Anak bi. Nimli nɛ ɔmɛ hii Hebron, Debir, Anab, Yuda, kɛ Israel yo ɔmɛ tsuo a nɔ. Yoshua kpata ni ɔmɛ kɛ a ma amɛ tsuo a hɛ mi pɛsɛpɛsɛ.

Yoshua 12:8

Zugba a ngɛ yo nɔ kɛ kɔ̃ mi; Yordan kɔ̃ ɔ kɛ nga kplanaa a nɔ, kɛ yo ɔmɛ a kuɛ si, kɛ nga a nɔ, kɛ leneyi je tsuo. Nihi nɛ hi lejɛ ɔ hyɛ ji Hit bi, Amor bi, Periz bi, Hiv bi, kɛ Yebus bi.

Manyadali 1:10

Jehanɛ, Yuda bi ɔmɛ ya tua Kanaan bi nɛ ngɛ Hebron nɛ sa a, e biɛ ji Kiriat Arba a, nɛ a gbe Sheshai, Ahiman, kɛ Talmai bi ɔmɛ.

Manyadali 1:8

Yuda bi ɔmɛ ya tua Yerusalem, nɛ a ngɔ ma a. A kɛ klaate gbe ma mi bi ɔmɛ, nɛ a mɛ ma a he la.