Manyadali 1:6 - BAIBLO ALOO NGMAMI KLƆUKLƆU Ɔ

⁶ Adonibezek tu fo, se a nyɛɛ e se, nɛ a ya nu lɛ, nɛ a po e nine gɔleku, kɛ e nane gɔleku.

Manyadali 1:6 ပူးပေါင်းရင်းမြစ်များ

Mose II, 29:20

Lɔ ɔ se ɔ, moo gbe to ɔ, nɛ o ngɔ e muɔ ɔ eko kɛ kpa Aaron kɛ e binyumu ɔmɛ a hiɔ nɔ tue nya lo ɔmɛ, a hiɔ nine gɔleku ɔmɛ, kɛ a hiɔ nane gɔleku ɔmɛ a he. Muɔ nɛ piɛ ɔ lɛɛ mo kpa kɛ pue bɔ sami la tɛ ɔ kɔ nya eywiɛ ɔmɛ tsuo.

Manyadali 1:5

A ya na Adonibezek ngɛ Bezek, nɛ a kɛ lɛ hwu ta.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Mose II, 14:26

Kɛkɛ nɛ Yawɛ de Mose ke, “Mo wo o nine nɔ ngɛ wo ɔ nɔ, konɛ nyu ɔ nɛ kpale ku pue Egipt bi ɔmɛ, kɛ a ta zugba lɛ ɔmɛ, kɛ a we okpɔngɔ ta buli ɔmɛ a nɔ.”

Mose II, 21:24

loo e hɛngmɛ pɛ, loo e lungu hia, loo e nine, loo e nane plaa,

Yoshua 15:16

Kaleb de ke, “Nɔ nɛ ma tua Kiriat Sefer nɛ e maa ngɔ ma a, ma ha lɛ ye biyo Aksa nɛ e ngɔ.”

Ester 8:12

Ligbi ɔ nɛ a to nɛ a kpata Yuda bi ɔmɛ a hɛ mi ngɛ Matsɛ Ahasuerus nɔ yemi he ɔmɛ tsuo ɔ, jamɛ a ligbi ɔ nɔuu mlaa nɛ ɔ ma bɔni ní tsumi. Ligbi nɛ ɔ ji nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nɛ ji nyɔngma kɛ etɛ ɔ.

La 59:11

Nyɔmtsɛ, wa yi baalɔ, koo gbe mɛ; ke o pee ja a, e be kɛe nɛ ye ma a hɛ maa je nɔ, a hɛ maa je nɔ́ nɛ o pee nɛ ɔ nɔ. Ngɔɔ o he wami ɔ kɛ ha nɛ a didaa, nɛ o ngɔ mɛ kɛ fiaa si.

La 107:40

Mawu hu kɛ a ganɔ ɔmɛ to ní saminya, nɛ e ha nɛ a ya wo lalaalo ngɛ nga kplanaa nɔ he nɛ blɔ ko blɔ ko be.

La 149:8

Á wo a matsɛmɛ ɔmɛ kɔsɔkɔsɔ, nɛ a we ablade ɔmɛ ɔ, a bɔ mɛ dade pã;

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 50:15

Nyɛ he ose kɛ wo ma a he! Jehanɛ lɛɛ Babilon ha yi. Ma a sisi tomi ɔmɛ, kɛ e gbogbo ɔmɛ ku kɛ pueɔ si. I ngɛ Babilonia bi ɔmɛ a tue gblae. Lɔ ɔ he ɔ, nyɛ hu nyɛɛ ye nyɛ nitsɛmɛ nyɛ he lue; bɔ nɛ a pee ni komɛ ɔ, nyɛ hu nyɛɛ pee mɛ kɛ to nane mi.