Manyadali 1:4 - BAIBLO ALOO NGMAMI KLƆUKLƆU Ɔ

⁴ Benɛ Yuda bi ɔmɛ hia nɛ a gba ta a, Yawɛ ngɔ Kanaan bi ɔmɛ, kɛ Periz bi ɔmɛ ngɔ wo a dɛ mi, nɛ a gbe a kpɛti nihi akpe nyɔngma ngɛ Bezek.

Manyadali 1:4 ပူးပေါင်းရင်းမြစ်များ

Matsɛmɛ I, 22:15

Benɛ Mikaya ba su Matsɛ Ahab ngɔ ɔ, matsɛ ɔ bi lɛ ke, “Mikaya, anɛ i kɛ Matsɛ Yehoshafat waa ya nɛ wa ya tua Ramot Gilead, aloo wa ko ya?” Mikaya he nɔ ke, “Yawɛ ngɔ ma a kɛ wo o dɛ mi; yaa nɛ o ya tua ma a, nɛ o maa ye kunimi.”

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Mose V, 7:2

Ke be ɔ su nɛ Yawɛ, nyɛ Mawu ɔ je mɛ ngɔ wo nyɛ dɛ, nɛ nyɛ ye a nɔ ɔ, nyɛ kpata mɛ tsuo a hɛ mi pɛsɛpɛsɛ. Nyɛɛ kɛ ma ko ma ko kó so nɛ nyɛɛ pee kake; nyɛ ko na mɛ mɔbɔ.

Mose V, 9:3

Se mwɔnɛ ligbi nɛ ɔ, nyɛ ma na maa le kaa Yawɛ, nyɛ Mawu ɔ ji nɔ nɛ nyɛɛ nyɛ hɛ mi kɛ yaa kaa bɔ nɛ la tsoɔ gegeege kɛ sãã nɔ́ ɔ nɛ. E maa ye a nɔ ha nyɛ; e ma ha nyɛ maa fie mɛ, nɛ nyɛ ma kpata a hɛ mi amlɔ kaa bɔ nɛ Yawɛ, nyɛ Mawu ɔ wo nyɛ si ɔ.

Manyadali 1:3

Yuda bi ɔmɛ de a nyɛmimɛ Simeon bi ɔmɛ ke, “Nyɛ ha waa ho zugba a nɛ a ngɔ ha wɔ ɔ nɔ ya, nɛ waa kɛ Kanaan bi ɔmɛ ya hwu. Lɔ ɔ se ɔ, waa kɛ nyɛ maa ya nyɛ hu nyɛ zugba a nɔ.” Kɛkɛ nɛ Simeon bi ɔmɛ kɛ mɛ ho.

Manyadali 1:5

A ya na Adonibezek ngɛ Bezek, nɛ a kɛ lɛ hwu ta.

Manyadali 11:32

Yefta po pa a kɛ ya na Amon bi ɔmɛ, nɛ e kɛ mɛ hwu ta; nɛ Yawɛ ngɔ mɛ ngɔ wo e dɛ mi.

Manyadali 3:5

Lɔ ɔ he ɔ, Israel bi ɔmɛ hi Kanaan, Hit, Amor, Periz, Hiv, kɛ Yebus bi ɔmɛ a kpɛti.

Samuel I, 11:8

Saul bua ma a nya ngɛ Bezek, nɛ a ná nyumuhi akpe lafa etɛ nɛ je Israel, kɛ akpe nyingmi etɛ nɛ je Yuda.

Samuel I, 14:10

Se ke a ke waa kuɔ kɛ ba a ngɔ ɔ, lɛɛ wa maa ya; ejakaa lɔ ɔ maa tsɔɔ wɔ kaa Yawɛ je mɛ kɛ wo wa dɛ mi.”

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”