Manyadali 1:29 - BAIBLO ALOO NGMAMI KLƆUKLƆU Ɔ

²⁹ Efraim bi ɔmɛ hu fie we Kanaan bi ɔmɛ nɛ ngɛ Gezer ɔ; lɔ ɔ he ɔ, Kanaan bi ɔmɛ kɛ mɛ hi lejɛ ɔ.

Manyadali 1:29 ပူးပေါင်းရင်းမြစ်များ

Matsɛmɛ I, 9:15

Matsɛ Salomo nyɛ nihi a nɔ kɛ tsu ma ní tsumi kpakpataa, nɛ e kɛ ma Yawɛ we ɔ, matsɛ we ɔ, Milo mɔ ɔ, Yerusalem gbogbo ɔ, Hazor, Megido, kɛ Gezer ma amɛ.

Matsɛmɛ I, 9:16

(Be ko ɔ, Egipt matsɛ ɔ ya tua Gezer, nɛ e ngɔ ma a. E gbe Kanaan bi ɔmɛ nɛ a ngɛ lejɛ ɔ, nɛ e sã ma a. Pee se ɔ, e kɛ ma nɛ ɔ ke e biyo kaa blɔ womi ní benɛ e ya gba Matsɛ Salomo ɔ,

Yoshua 10:33

Gezer matsɛ, Horam, kɛ e ta a ba konɛ a ba piɛ Lakish he. Se Yoshua gbe matsɛ ɔ, kɛ e ta a tsuo pɛpɛɛpɛ; nɔ kake po píɛ.

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.

Manyadali 1:28

Benɛ Israel bi ɔmɛ a he ba wa a, a fie we Kanaan bi ɔmɛ kɛ ji zugba a nɔ pɛsɛpɛsɛ; se mohu a nyɛ a nɔ, nɛ a tsu ní ha mɛ.

Manyadali 1:30

Zebulun bi ɔmɛ fie we Kitron, kɛ Nahala bi ɔmɛ. Kanaan bi nɛ ɔmɛ kɛ mɛ hi si; se mohu Israel bi ɔmɛ nyɛ a nɔ nɛ a tsu ní ha mɛ.