Manyadali 1:28 - BAIBLO ALOO NGMAMI KLƆUKLƆU Ɔ

²⁸ Benɛ Israel bi ɔmɛ a he ba wa a, a fie we Kanaan bi ɔmɛ kɛ ji zugba a nɔ pɛsɛpɛsɛ; se mohu a nyɛ a nɔ, nɛ a tsu ní ha mɛ.

Manyadali 1:28 ပူးပေါင်းရင်းမြစ်များ

Manyadali 1:27

Manase bi ɔmɛ fie we nihi nɛ ngɛ Bet Shan, Taanak, Dor, Ibleam, kɛ Megido ma amɛ, kɛ kɔpehi nɛ ngɛ a kasa nya a a mi ɔ. Kanaan bi nɛ ɔmɛ fi si nɛ a tlɔ zugba a nɔ.

Manyadali 1:29

Efraim bi ɔmɛ hu fie we Kanaan bi ɔmɛ nɛ ngɛ Gezer ɔ; lɔ ɔ he ɔ, Kanaan bi ɔmɛ kɛ mɛ hi lejɛ ɔ.

Abɛ Womi 12:24

Nɔ nɛ tsuɔ ní wawɛɛ ɔ, e ma na nɔkɔtɔma blɔ nya; nɔ nɛ peeɔ hejɔ lɛɛ e ma sɔmɔ.

Mose I, 9:25

e de ke, “A gbiɛ Kanaan! E maa pee e wetsɛmɛ ɔmɛ a nyɔguɛ.

Mose I, 9:26

A je Yawɛ, Shem Mawu ɔ yi! Kanaan maa pee Shem nyɔguɛ.

Mose V, 20:11

Ke ni ɔmɛ bli ma agbo ɔmɛ, nɛ a ha yi ɔ, mɛ tsuo pɛpɛɛpɛ a ma ba pee o nyɔguɛhi nɛ o maa nyɛ a nɔ nɛ a ma tsu ní kpakpataa ha mo.

Yoshua 17:13

Benɛ Israel bi ɔmɛ a he ba wa pe kekle ɔ po, a fie we Kanaan bi ɔmɛ tsuo, se mohu a nyɛ a nɔ nɛ a tsu ní ha mɛ.

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.