Manyadali 1:22 - BAIBLO ALOO NGMAMI KLƆUKLƆU Ɔ

^22-23 Yosef bi ɔmɛ, nɛ ji Efraim kɛ Manase wɛtso ɔmɛ hu ya tua Betel nɛ sa a, e biɛ ji Luz ɔ; nɛ Yawɛ piɛ a he. Kekleekle ɔ, a tsɔ nihi ya slaa ma a lolo.

Manyadali 1:22 ပူးပေါင်းရင်းမြစ်များ

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Kronika I, 7:29

Mahi, kɛ a he kɔpehi nɛ Manase nina a na ji Bet Shan, Taanak, Megido, kɛ Dor. Yakob binyumu Yosef nina ji nihi nɛ hi ma nɛ ɔmɛ tsuo a mi.

Yoshua 8:12

Yoshua ngɔ nihi maa pee akpe enuɔ kɛ ya wo ka ngɛ Betel kɛ Ai a kpɛti, ngɛ Ai bonyoku je.

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.