Manyadali 1:2 - BAIBLO ALOO NGMAMI KLƆUKLƆU Ɔ

² Yawɛ de mɛ ke, “Yuda wɛtso ɔ maa sɛ hlami; i ngɔ zugba a ngɔ wo a dɛ mi.”

Manyadali 1:2 ပူးပေါင်းရင်းမြစ်များ

Mose IV, 2:3

“Yuda wɛtso ɔ ma pue si kɛ yaa beleku je tabo nya tabo nya. A nyatsɛ ji Aminadab bi Nashon, nɛ a hiɛmi ji nimli akpe nyingmi kpaago kɛ eywiɛ kɛ e nya lafa ekpa.

Mose IV, 7:12

Bɔ nɛ a ngɔ nike ní ɔmɛ kɛ ba ha ji nɛ ɔ nɛ: LIGBI WƐTSO WƐTSO NƆKƆTƆMA Kekleekle Yuda Nashon, Aminadab bi ɔ Enyɔne Isakar Netanel, Zuar bi ɔ Etɛne Zebulun Eliab, Helon bi ɔ Eywiɛne Ruben Elizur, Shedeur bi ɔ Enuɔne Simeon Shelumiel, Zurishadai bi ɔ Ekpane Gad Eliasaf, Deuel bi ɔ Kpaagone Efraim Elishama, Amihud bi ɔ Kpaanyɔne Manase Gamaliel, Pedazur bi ɔ Nɛɛne Benyamin Abidan, Gideoni bi ɔ Nyɔngmane Dan Ahiezer, Amishadai bi ɔ Nyɔngma kɛ Asher Pagiel, Okran bi ɔ kakene Nyɔngma kɛ enyɔne Naftali Ahira, Enan bi ɔ. Nike ní mi mi kake too nɛ nɔ tsuaa nɔ ngɔ kɛ ba. Nike ní ɔmɛ ji nɛ ɔmɛ nɛ: sika hiɔ plɛɛte kake nɛ e jiimi ji kilo kake kɛ fa, kɛ sika hiɔ kã kake nɛ e jiimi ji gram lafa kpaanyɔ ngɛ he klɔuklɔu ɔ jiimi nya. Ní enyɔ nɛ ɔmɛ tsuo hyi tɔ kɛ ngma mamu bukɔbukɔ nɛ a ngɔ nu kɛ futu mi kɛ ha niye ní bɔ sami. Enɛ ɔmɛ hu piɛ he: sika tsu kã kake nɛ e jiimi ji gram lafa kɛ nyɔngma nɛ tsopa kɛ e he via nɛ a sãã hyi lɛ tɔ, na niheyo kake, agbosu kake, kɛ jijɔ ku kake nɛ ye jeha kake, nɛ a kɛ maa sã sami bɔ, kɛ akpakpo kake nɛ a kɛ maa sã yayami pami bɔ. Enɛ ɔmɛ lɛɛ a kɛ maa sã tue mi jɔmi bɔ: na ku enyɔ, agbosu enyɔ, akpakpo enuɔ, kɛ jijɔ ku enuɔ nɛ a ye jeha kakaaka.

Hebribi 7:14

Wa Nyɔmtsɛ ɔ, wa le kaa Yuda wɛtso ɔ mi nɛ e je; nɛ Mose de we nɔ́ ko kɛ kɔ Yuda wɛtso ɔ osɔfo yemi he.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”

Manyadali 1:3

Yuda bi ɔmɛ de a nyɛmimɛ Simeon bi ɔmɛ ke, “Nyɛ ha waa ho zugba a nɛ a ngɔ ha wɔ ɔ nɔ ya, nɛ waa kɛ Kanaan bi ɔmɛ ya hwu. Lɔ ɔ se ɔ, waa kɛ nyɛ maa ya nyɛ hu nyɛ zugba a nɔ.” Kɛkɛ nɛ Simeon bi ɔmɛ kɛ mɛ ho.

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”