Manyadali 1:19 - BAIBLO ALOO NGMAMI KLƆUKLƆU Ɔ

¹⁹ Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Manyadali 1:19 ပူးပေါင်းရင်းမြစ်များ

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

La 60:12

Nɛ́ Mawu kɛ wɔ ngɛ nɛ ɔ, wa maa ye kunimi. Lɛ ji nɔ nɛ maa ye wa he nyɛli ɔmɛ a nɔ ha wɔ.

Manyadali 1:2

Yawɛ de mɛ ke, “Yuda wɛtso ɔ maa sɛ hlami; i ngɔ zugba a ngɔ wo a dɛ mi.”

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Yoshua 14:12

Lɔ ɔ he ɔ, ye zugba a nɛ Yawɛ wo mi he si jamɛ a ligbi ɔ, ngɔɔ ha mi. Jamɛ a ligbi ɔ, wa ba bɔ nyɛ amaniɛ ke oblai komɛ nɛ a tsɛɛ mɛ ke Anak bi ɔ ngɛ ma ngua komɛ nɛ a fia gbogbo ngɔ wo a he ɔ a mi ngɛ lejɛ ɔ. Se i de ke, eko ɔ, Yawɛ maa piɛ ye he nɛ ma fie mɛ kaa bɔ nɛ Yawɛ de ɔ.”

Yoshua 7:12

Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Mose I, 39:2

Yawɛ gbaa Yosef nɛ e ya nɔ ngɛ nɔ́ tsuaa nɔ́ mi; nɛ e sɔmɔ ngɛ e we Egipt nyɔmtsɛ ɔ we ɔ mi.

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

Manyadali 4:3

Yabin ngɛ dade ta zugba lɛ lafa nɛɛ, nɛ e wa Israel bi ɔmɛ yi mi jeha nyingmi enyɔ sɔuu. Nɛ Israel bi ɔmɛ fa kue ha Yawɛ.

Manyadali 4:13

Sisera bua e dade ta zugba lɛ lafa nɛɛ ɔ, kɛ e we bi ɔmɛ tsuo a nya, nɛ a hia kɛ je Haroshet ngɛ ma je li ɔmɛ a zugba a nɔ kɛ ho Kishon pa a nya ya.

Samuel I, 18:5

He tsuaa he nɛ Saul tsɔ David ɔ, e ya yeɔ manye. Enɛ ɔ he ɔ, Saul wo lɛ asafoatsɛ, nɛ nɔ́ nɛ ɔ sa Saul tsɔli, kɛ nihi tsuo a hɛ mi.

Samuel I, 18:12

Saul ye David gbeye, ejakaa Yawɛ kɛ David ngɛ; se lɛ Saul ɔ lɛɛ Yawɛ je e se.

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.