Manyadali 1:15 - BAIBLO ALOO NGMAMI KLƆUKLƆU Ɔ

¹⁵ Aksa he nɔ ke, “Moo ke mi nɔ́ ko. O ha mi zugba ngɛ leneyi je he nɛ nyu be momo, lɔ ɔ he ɔ, i kpa mo pɛɛ nɛ o ha mi he ko nɛ nyu ngɛ kɛ piɛ he!” Nɛ Kaleb ha lɛ hehi nɛ nyu ngɛ, ngɛ yo nɔ kɛ kɔ̃ mi.

Manyadali 1:15 ပူးပေါင်းရင်းမြစ်များ

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Hebribi 6:7

Zugba nɛ hiɔmi nɛɔ pueɔ nɔ babaaba, nɛ nyu ɔ sɛɔ zu mi, nɛ ní nɛ a duɔ ɔ baa saminya kɛ ha nihi nɛ tsuɔ ní ngɛ nɔ ɔ Mawu gbaa zugba a lɛ.

2 Korintobi 9:5

Lɔ ɔ he ɔ, i susu kaa e hia kaa ma kpa nyɛmimɛ ɔmɛ pɛɛ nɛ a sɛ ye hlami kɛ ba nyɛ ngɔ. A ma ba dla nike ní nɛ nyɛ wo si momo ɔ ngɔ to loko ma ba. Enɛ ɔ maa tsɔɔ kaa nɔ́ nɛ nyɛ bua nya a je nyɛ tsui mi, se pi kaa a nyɛ nyɛ nɔ loko nyɛ tsu.

Samuel I, 25:27

Jehanɛ, i kpa mo pɛɛ, o nɛ nike ní nɛ o mawayo kɛ ba ha mo nɛ o kɛ ha o we bi ɔmɛ.

Samuel I, 25:18

Abigail he sɔ ya ngɔ abolo lafa enyɔ, wai lohwe he womi tɔ enyɔ, jijɔ enuɔ nɛ a sã, ngma nɛ a si kilo nyɔngma kɛ kpaago, wai yiblii nɛ gbli sau lafa, kɛ ngmɔkɔ gbigbli lafa enyɔ, nɛ e ngɔ pue tejihi a se mi.

Mose I, 33:11

I kpa mo pɛɛ nɛ o he nike ní nɛ ɔmɛ nɛ i ngɔ ba ha mo ɔ; Mawu nɛ na mi mɔbɔ, nɛ e ha mi nɔ́ tsuaa nɔ́ nɛ hia mi.” Kikɛ nɛ ɔ Yakob hao Esau hluu kɛ ya si Esau kplɛɛ nɛ e he nike ní ɔmɛ.

Yoshua 15:19

E de e tsɛ ɔ ke, “Moo ke mi nɔ́ ko. O ha mi zugba ngɛ leneyi je he nɛ nyu be momo, lɔ ɔ he ɔ, i kpa mo pɛɛ, nɛ o ha mi he ko nɛ nyu ngɛ hu ngɔ piɛ he.” Kaleb ha lɛ hehi nɛ nyu ngɛ, ngɛ yo nɔ kɛ kɔ̃ mi.

Manyadali 1:14

Benɛ a kpee Aksa a, e wo e huno ɔ yi mi ke e bi e ngatsɛ ɔ ngmɔ zugba ko. Aksa kple si kɛ je e teji ɔ nɔ, nɛ Kaleb bi lɛ ke, “Mɛni o suɔ nɛ ma pee ha mo?”

Manyadali 1:16

Mose ngatsɛ, Ken no ɔ nina nɛ ji Ken bi ɔmɛ, kɛ Yuda bi ɔmɛ je Yeriko, tã ma a mi kɛ ba Yuda nga a nɔ, ngɛ Arad leneyi je, nɛ a kɛ Amalek bi ɔmɛ ba hi si ngɛ lejɛ ɔ.