Malaki 4:6 - BAIBLO ALOO NGMAMI KLƆUKLƆU Ɔ

⁶ Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Malaki 4:6 ပူးပေါင်းရင်းမြစ်များ

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Yesaya 24:6

Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

Yesaya 40:3

Gbi ko ngɛ pɛe ke, “Nyɛ dla blɔ ngɛ nga a nɔ ha Yawɛ! Nyɛɛ je gbɛjegbɛ tlɔmɔɔ ngɛ nga kplanaa a nɔ ha wa Mawu ɔ!

Yesaya 43:28

nɛ nyɛ ganɔ ɔmɛ hu ble ye he klɔuklɔu ɔ; lɔ ɔ he ɔ, i ha a kpata Israel hɛ mi; i ha a pue ye ma a hɛ mi si.”

Yesaya 61:2

Yawɛ ke ma ya fiɛ ke be ko nɛ sa Yawɛ hɛ mi ma. Be nɛ Mawu maa gbla nihi a tue, kɛ kɔmɔ yeli a bua womi be ɔ su ta.

Yesaya 65:15

Nyɛ biɛ maa pee nɔ nɛ a kɛ gbiɛɔ ha ye ma nɛ i hla a; ejakaa imi Nyɔmtsɛ Yawɛ nitsɛ, ma kpata nyɛ hɛ mi; se ni nɛmɛ nɛ jaa mi ɔ lɛɛ ma wo mɛ biɛ he.

Daniel 9:11

Israel ma a tsuo tɔ o mlaa amɛ, nɛ a bui o gbi tue. Wa pee yayami kɛ si mo, nɛ lɔ ɔ he nɛ o ngɔ gbiɛmi ɔmɛ nɛ a ngma ngɛ o tsɔlɔ Mose mlaa womi ɔ mi ɔ kɛ ba wa nɔ ɔ nɛ.

Zakaria 11:6

Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Zakaria 13:8

A maa gbe zugba a tsuo nɔ bi mi dlami etɛ mi enyɔ nɛ a gbo, nɛ e maa piɛ mi dlami etɛ mi kake.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Zakaria 5:3

E ya nɔ nɛ e de mi ke, “Gbiɛmi nɛ maa ba zugba a tsuo nɔ ji nɛ ɔ nɛ. A ngma ngɛ womi ɔ ba fa kake ke, ‘Nɔ tsuaa nɔ nɛ maa ju ɔ, a po lɛ ngɔ fɔ he.’ Nɛ a ngma ngɛ ba fa kake hu ke, ‘Nɔ tsuaa nɔ nɛ kãã lakpa kita a, a po lɛ ngɔ fɔ he.’

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Marko 11:21

Petro kai nɔ́ nɛ ba a, nɛ e de Yesu ke, “Tsɔɔlɔ, hyɛ, ngmɔkɔ tso ɔ nɛ o gbiɛ ɔ ngla!”

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Hebribi 6:8

Se ke mio, kɛ hu lɛ puɛɔ ngɛ nɔ ɔ, lɛɛ se nami ko be he kulaa. Mawu maa gbiɛ zugba a, nɛ nyagbe ɔ, a kɛ la maa sã lɛ.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Kpojemi 22:3

Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.