Malaki 4:1 - BAIBLO ALOO NGMAMI KLƆUKLƆU Ɔ

¹ Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Malaki 4:1 ပူးပေါင်းရင်းမြစ်များ

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Malaki 3:2

Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Yesaya 47:14

“A maa pee kaa nga gbigbli, nɛ la maa sã mɛ! A be nyɛe ma he mɛ nitsɛmɛ a yi wami; la lilɛ ɔmɛ maa sã mɛ. Pi la kulɔɔ nɛ a hluiɔ ji nɛ ɔ; pi la nɛ a hii he.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Obadia 1:18

“Yakob we ɔ maa pee kaa la; Yosef we ɔ maa pee kaa la lilɛ. Nɛ a maa sã Esau we ɔ kaa a sãã blɛfo tso gbigbli. Esau nina ko be piɛe.” Imi, Yawɛ lɛ i de.

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Hiob 18:16

E sipoku ma gbli ngɛ e sisi, nɛ e kɔnihi maa ylɔ.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Zakaria 14:1

Hyɛ, be ko ma ha Yawɛ! Jamɛ a be ɔ, nyɛ níhi nɛ a ha a, a maa dla ngɛ nyɛ hɛ mi paa.

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Mose II, 15:7

O kɛ o we agboje tsɛ̃ o he nyɛli ɔmɛ kɛ pue si. Nɛ o mi mi la a tso gegeege nɛ e sã mɛ kaa dwɔmi.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Ezekiel 7:10

Hyɛ, ligbi ɔ ji nɛ ɔ nɛ! O nyagbe ɔ su! Israel, amanehlu be ɔ ba na mo. Nɔ sisimi ngɛ nɔ yae wawɛɛ kaa tso nɛ gba mɔmɔ, nɛ he womi hu nya wa kaa blɛfo nɛ je deke.

Yesaya 41:2

“Jamɛ a kunimi yelɔ ɔ nɛ yeɔ kunimi ngɛ he tsuaa he ɔ, mɛnɔ lɛ ngɔ lɛ kɛ je beleku je kɛ ba? Mɛnɔ haa nɛ e yeɔ matsɛmɛ, kɛ je ma amɛ a nɔ ɔ? E kɛ e klaate peeɔ mɛ butuu kaa bunyuku, nɛ e kɛ̃ɛ̃ ɔ gbɛɛ mɛ fĩaa kaa nga nɛ kɔɔhiɔ muɔ kɛ yaa.

Yesaya 40:24

A ngɛ kaa tso tsɔwi nɛ a du kɛ we, nɛ́ a sipokuhi mɛ si kpakpa ko lolo. Ke Yawɛ ha kɔɔhiɔ fia kɛ gu a nɔ kɛkɛ a gbliɔ, nɛ kɔɔhiɔ bɛɛɔ mɛ kɛ yaa kaa nga.

La 119:119

Yiwutsotsɛmɛ tsuo nɛ ngɛ je mi ɔ, o buu mɛ kaa kuku nɔ dade. Lɔ ɔ he ɔ, o mlaa amɛ pɛ lɛ i suɔ.

Luka 6:23

Ke e ba mi ja a, nyɛ nya, nɛ nyɛ hlu kɛ bua jɔmi, ejakaa Mawu ngɔ hiɔwo agbo ngɔ to ha nyɛ ngɛ hiɔwe. Nyɛ kai kaa ja nɔuu a nɛmɛ ɔmɛ pee gbali ɔmɛ.

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Ezekiel 20:38

Ma je atuã tsɔli ɔmɛ, kɛ ni nɛmɛ nɛ tɔ̃ ye nɔ ɔ kɛ je nyɛ kpɛti. A maa je zugba nɔ he nɛ a ya to nibwɔ ngɛ ɔ mohu, se a be Israel zugba a nɔ bae, konɛ nyɛɛ le kaa imi ji Yawɛ.”

Ezekiel 21:32

A kɛ la maa sã nyɛ. A ma pue nyɛ muɔ si ngɛ nyɛ nitsɛmɛ nyɛ zugba nɔ, nɛ nɔ ko nɔ ko be nyɛ kaie gblegbleegble.’ ” Yawɛ lɛ de.

Ezekiel 24:11

Jehanɛ, ma ha buɛ ɔ mi gu maa ma la hleii ɔ nɔ, konɛ e dɔ la kɛ yaa si akɔblee ɔ maa tsu paa; kɛkɛ ɔ, e mi mu ɔ tsuo maa sile, nɛ e mi kana a tsuo maa ta pɛsɛpɛsɛ!

Ezekiel 34:17

“Jehanɛ, nyɛ ye to kuu, bɔ nɛ imi Nyɔmtsɛ Yawɛ, i ngɛ nyɛ dee ji nɛ ɔ nɛ: Ma kojo jijɔ kake kɛ jijɔ kake a kpɛti; ma kojo akpakpo ɔmɛ kɛ agbosu ɔmɛ a kpɛti.

Malaki 3:3

E ma ba kojo kaa bɔ nɛ sika hiɔ ga ní tsulɔ tsuɔ sika hiɔ he ɔ. Kaa bɔ nɛ sika hiɔ, loo sika tsu ga ní tsulɔ tsuɔ sika he ɔ, ja ji bɔ nɛ Yawɛ tsɔlɔ ɔ maa tsu osɔfo ɔmɛ a he, konɛ a ngɔ nike ní nɛ sa kɛ ba ha lɛ Yawɛ ɔ.

La 37:9

Ejakaa a ma kpata yayami peeli a hɛ mi. Se ni nɛmɛ nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ a nine maa su zugba a nɔ.