Malaki 3:7 - BAIBLO ALOO NGMAMI KLƆUKLƆU Ɔ

⁷ Kaa bɔ nɛ nyɛ nɛmɛ ɔmɛ pee ɔ, nyɛ hu nyɛ ngmɛɛ ye mlaa amɛ a he kɛ fɔ si, nɛ nyɛ yi ye mlaa amɛ a nɔ. Nyɛɛ kpale kɛ ba ye ngɔ, nɛ i kɛ nyɛ he yayami ɔmɛ maa pa nyɛ. Se nyɛ biɔ ke, ‘Kɛ wa maa pee kɛ kpale kɛ ba o ngɔ kɛɛ?’

Malaki 3:7 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 3:22

“Nyɛ nihi tsuo nɛ nyɛ je Yawɛ se, nyɛɛ kpale kɛ ba; e ma tsa nyɛ yayami hiɔ ɔmɛ.” Nyɛ ke, “Ee, wa ma Yawɛ ngɔ, ejakaa lɛ ji wa Mawu.

Yeremia 7:25

Kɛ je ligbi ɔ nɛ nyɛ nɛmɛ ɔmɛ je Egipt hluu kɛ ba si mwɔnɛ ligbi nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ daa be tsuaa be.

Yeremia 7:26

Se nɔ ko nɔ ko bui mɛ tue; sɛ gbi ɔ hu nyɛ ngɔɛ. Nyɛ wa tue mohu, nɛ nyɛ ya nɔ pee yayami kulaa pe nyɛ nɛmɛ ɔmɛ.

Ezekiel 2:3

E de mi ke, “Nɔmlɔ adesa, ma tsɔ mo kɛ ya Israel bi ɔmɛ a ngɔ. A nɛmɛ ɔmɛ tsɔ atuã, nɛ a kua mi; nɛ mɛ hu a pee a he atuã tsɔli, nɛ a ngɛ ye nɔ tɔe kɛ mwɔɔ.

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Zakaria 1:3

se jehanɛ lɛɛ i ngɛ nyɛ dee ke, nyɛɛ kpale kɛ ba ye ngɔ, nɛ imi hu ma ná nyɛ he tsui ekohu.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Malaki 3:13

Yawɛ ke, “Nyɛ tuɔ munyuhi nɛ a he wa kɛ siɔ mi. Se nyɛ biɔ ke, ‘Kɛ wa plɛ kɛ tu munyu kɛ si mo kɛɛ?’

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Luka 15:16

E ná yɔ nɛ a haa kpotoo ɔmɛ ɔ eko nɛ e ye jinɛ e ko suɔ; se nɔ ko nɔ ko ha we lɛ.

Romabi 10:21

Se Israel lɛɛ Yesaya de ngɛ e he ke, “Daa nɛ ɔ, i gbɛ ye gugue mi nɛ ma he nyɛ atuu; Ma tue gboli nɛ a tsui kplii!”

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.

Romabi 7:9

Imi nitsɛ hu, i hi si hyɛ nɛ i li mlaa; se benɛ mlaa a ba a, e tle yayami si wawɛɛ ngɛ ye mi, nɛ e ba pee gbenɔ ha mi.

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.