Malaki 3:5 - BAIBLO ALOO NGMAMI KLƆUKLƆU Ɔ

⁵ Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Malaki 3:5 ပူးပေါင်းရင်းမြစ်များ

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Mose I, 42:18

Ligbi nɛ ji etɛ ɔ, Yosef de mɛ ke, “Imi lɛɛ i yeɔ Mawu gbeye; lɔ ɔ he ɔ, nɔ́ nɛ nyɛ maa pee kɛ he nyɛ yi wami ji nɛ ɔ nɛ.

Nehemia 5:15

Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.

Hiob 31:12

E ngɛ kaa la nɛ sãã nɔ́ kɛ yaa tsitsaa; e ma kpata ye nɔ́ tsuaa nɔ́ hɛ mi.

Hiob 7:2

Nɔmlɔ ngɛ kaa nyɔguɛ nɛ ngɛ hɔ̃ hlae nɛ e hi mi. E ngɛ kaa apaa yelɔ nɛ ngɛ e hiɔwo blɔ hyɛe.

La 36:1

Yayami kɛ yiwutsotsɛ tuɔ munyu ngɛ e tsui mi tɔɔ. Mawu gbeye yemi ko kulaa be e mi.

La 81:8

Ye ma, nyɛɛ bu tue nɛ ma wo nyɛ ga. Israel bi, i na nɛ nyɛ bu mi tue!

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Mose II, 1:17

Se fɔliyi ɔmɛ yee Mawu gbeye; a gbi binyumuwi ɔmɛ kaa bɔ nɛ Egipt matsɛ ɔ fa mɛ ɔ; mohu ɔ, a baa a yi.

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Yesaya 57:3

Se, nyɛ yayami peeli nɛ nyɛɛ kɛ ní peeli, kɛ gba puɛli, kɛ yi yaholi tsuo sɔ ɔ, nyɛɛ ba hiɛ ɔ!

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 27:10

Lakpa gbami lɛ a ngɛ gbae kɛ ngɛ nyɛ tsɔɔe ɔ nɛ. Nɛ nɔ́ nɛ maa je mi kɛ ba ji a ma ba ngɔ nyɛ kɛ je nyɛ zugba a nɔ kɛ ya tsitsaa lokoo. Ma fie nyɛ kɛ je hiɛ ɔ, nɛ nyɛ hɛ mi ma kpata.

Yeremia 27:9

Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Yeremia 42:5

Mɛ hu a de mi ke, “Sɛ gbi tsuaa sɛ gbi nɛ Yawɛ, wa Mawu ɔ ma ha mo ke o ba de wɔ ɔ, wa maa ye nɔ. Ke wa pee we ja a, Yawɛ nitsɛ nɛ ye odase kɛ si wɔ!

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Mose III, 20:27

“Nyumu tsuaa nyumu, loo yo tsuaa yo nɛ hiaa, loo a biɔ ní ngɛ e ngɔ ɔ, a fia lɛ tɛ nɛ e gbo; e gbenɔ ɔ sa lɛ nitsɛ.”

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mika 1:2

Nyɛ je mahi tsuo, nyɛɛ bu tue; nyɛ nihi tsuo nɛ ngɛ je ɔ mi, nyɛɛ bu tue! Nyɔmtsɛ Mawu po nyɛ nya. Nyɛɛ bu tue! E ngɛ munyu tue kɛ je e we klɔuklɔu ɔ.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Zakaria 11:12

I de mɛ ke, “Ke nyɛ suɔ ɔ, nyɛɛ wo mi hiɔ, se ke e dɛ ha nyɛ ɔ, nyɛɛ ngɔ faa.” Kɛkɛ nɛ a ngmɛ sika hiɔ yi nyingmi etɛ nɛ a kɛ wo mi hiɔ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Malaki 2:14

Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Luka 23:40

Se nɔ kake ɔ ka e hɛ mi, nɛ e de ke, “O yi Mawu gbeye? Waa kɛ lɛ tsuo ɔ, gbenɔ fɔ kake ɔ nɔuu lɛ a bu wɔ.

Romabi 3:8

Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.

Mose V, 15:13

Se ke o ngmɛɛ e he ɔ, ko ha nɛ e ya dɛ gu.

Mose V, 18:10

Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Mose V, 24:17

“Ko plɛ nubwɔ nɛ ba ngɛ o ma a mi, kɛ awusa a sane hɛ mi kɛ bu si; nɛ ko he yalɔyo he ha nɔ́ kaa awaba tomi nɔ́.

Mose V, 27:19

“ ‘Mawu maa gbiɛ nɔ tsuaa nɔ nɛ plɛɔ nibwɔhi, awusahi, kɛ yalɔyihi a sane hɛ mi buɔ si.’ “Ma a tsuo ma he nɔ ke, ‘Amen!’

Mose V, 5:11

“ ‘Ko tsɛ Yawɛ, o Mawu ɔ biɛ yaka gu, ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Yakobo 5:12

Ye nyɛmimɛ nɛ i suɔ, enɛ ɔ tsuo se ɔ, nyɛ ko ka kita. Nyɛ ko ka hiɔwe; nyɛ ko ka zugba, nɛ nyɛ ko ka nɔ́ kpa ko hulɔ. Ke nɔ́ ɔ ngɛ mi anɔkuale ɔ, nyɛ de ke “Ee”; se ke e be mi ɔ, nyɛ de ke, “Dɛbi.” Kɛkɛ ɔ, Mawu be nyɛ fɔ bue.

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.