Malaki 3:2 - BAIBLO ALOO NGMAMI KLƆUKLƆU Ɔ

² Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Malaki 3:2 ပူးပေါင်းရင်းမြစ်များ

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

Hiob 28:1

Niinɛ, muɔhi ngɛ nɛ a tsuaa sika hiɔ ngɛ a mi. Sika tsu he tsumi hehi hu ngɛ.

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

Abɛ Womi 25:4

Ke sika hiɔ galɔ je sika fĩ kɛ je sika hiɔ mi loko e naa june nɛ e kɛ tsuɔ nɔ́ ko kpakpa.

Yesaya 1:18

Yawɛ ke, “Jehanɛ, nyɛɛ ba nɛ wɔ tsuo wa susu he. Ke nyɛ he yayami ɔ tsu kaa mɛni po, ma ha e ma hiɛ futaa kaa snoo, loo jijɔ he bwɔmi.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yesaya 4:4

Nyɔmtsɛ ɔ kɛ e he wami maa kojo Zion biyi ɔmɛ, nɛ e maa tsu ma a he. E ma fɔ mu níhi, kɛ muɔ nɛ pue si ngɛ Yerusalem ɔ tsuo.

Yeremia 2:22

Ke o du o he kɛ jale nɛ nya wa tete po, ma na o tɔmi ɔmɛ kaa so ko nɛ mɛtɛ o he.

Ezekiel 22:14

Ke i kɛ mo ná a, anɛ o ma nyɛ maa to tsui si, nɛ o maa pee kã kɛ ya si nyagbe lo? Imi, Yawɛ lɛ i de, nɛ ma pee hulɔ.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Mateo 25:10

Se benɛ a ho hemi ya a, ayɛflo huno ɔ ba, nɛ ni nɛmɛ nɛ dla a he to lɛ ɔ, a kɛ lɛ ho yo kpeemi he ɔ ya. Nɛ a nga sinya a.

Marko 9:3

E tade ɔmɛ kpɛ nɛ a hiɛ futafuta bɔ nɛ níhi a he fɔlɔ ko be je nɛ ɔ mi nɛ ma nyɛ ha a hiɛ ja.

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 3:17

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble.”

Luka 3:9

Amlɔ nɛ ɔ, gbiɛ ɔ fɔɔ si ngɛ tso si poku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.”

Luka 7:23

A gbaa nihi nɛ ngɛ hemi kɛ yemi ngɛ ye mi kɛ mwɔɔ!”

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 6:17

Ejakaa ligbi nɛ ngɛ gbeyegbeye nɛ a maa gbla wa tue ɔ, ligbi ɔ su. Nɛ mɛnɔ ma nyɛ nya maa da?”

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Samuel I, 6:20

Kɛkɛ nɛ Bet Shemesh bi ɔmɛ bi ke, “Mɛnɔ po ma nyɛ Yawɛ, Mawu klɔuklɔu nɛ ɔ hɛ mi maa da? Nɛ jije wa ma je lɛ kɛ je wa ngɔ kɛ ya?”