Malaki 3:18 - BAIBLO ALOO NGMAMI KLƆUKLƆU Ɔ

¹⁸ Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Malaki 3:18 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Hiob 17:10

Se nyɛɛ lɛɛ, i nɛ ní lelɔ kake ngmelu ngɛ nyɛ tsuo nyɛ kpɛti.

Hiob 6:29

Lɔ ɔ he ɔ, i kpa nyɛ pɛɛ, nyɛ ko susu nɔ́ yayami ha mi kɛ ya tsitsaa. Nyɛ ko bu mi fɔ; i yeɔ nguɔ.

Mose II, 11:7

Se Israel bi ɔmɛ lɛɛ gbe po be huãe kɛ wo nɔmlɔ ko, loo lohwe ko. Nɛ enɛ ɔmɛ nyɛ ma kɛ le kaa imi Yawɛ, i kɛ mi gbami ba Egipt bi ɔmɛ, kɛ Israel bi ɔmɛ a kpɛti.’

Yeremia 12:15

Se ke i ngɔ mɛ kɛ ho se ɔ, ma na mɛ mɔbɔ ekohu, nɛ ma kpale je ma tsuaa je ma kɛ ba mɛ nitsɛmɛ a zugba nɔ, kɛ mɛ nitsɛmɛ a ma mi ekohu.

Daniel 2:18

E de mɛ ke a fa kue ha Mawu nɛ ngɛ hiɔwe ɔ, konɛ e na mɛ mɔbɔ nɛ e je laami sane nɛ ɔ kpo ngɔ tsɔɔ mɛ, bɔ nɛ pee nɛ a ko gbe mɛ, kɛ Babilon ga woli kpa amɛ hulɔ.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Ni Tsumi 16:17

Yiheyo nɛ ɔ nyɛɛ waa kɛ Paulo wa se kɛ ngmlaa ke, “Kikɛmɛ a nimli nɛ ɔmɛ ɔ, Mawu, Hiɔwe No ɔ tsɔli ji mɛ; nɛ a ngɛ fiɛe kɛ ngɛ nyɛ tsɔɔe bɔ nɛ nyɛ maa pee nɛ a he nyɛ yi wami.”

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

Romabi 1:9

Mawu ɔ nɛ i sɔmɔɔ lɛ kɛ ye tsui tsuo kɛ gu sane kpakpa a nɛ kɔɔ e Bi ɔ he ɔ fiɛmi mi ɔ ji ye we odase kaa i kaiɔ nyɛ daa nɛ i jɔɔ we ngɛ ye sɔlemi mi.

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”