Malaki 3:17 - BAIBLO ALOO NGMAMI KLƆUKLƆU Ɔ

¹⁷ Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

Malaki 3:17 ပူးပေါင်းရင်းမြစ်များ

Nehemia 13:22

Kɛkɛ nɛ i fa Levi bi ɔmɛ ke a tsukɔ a he, nɛ a ya bu agbo ɔmɛ a nya, bɔ nɛ pee nɛ a ye Hejɔɔmi ligbi ɔ klɔuklɔu. Ye Mawu lee, mo kai mi ngɛ enɛ ɔ hu he, nɛ o baa ye yi ngɛ o suɔmi agbo nɛ ngɛ daa a he.

La 115:13

E maa gbaa nihi tsuo nɛ yeɔ lɛ Yawɛ ɔ gbeye, ni wawihi kɛ ni nguahi tsuo.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Yesaya 43:21

Mɛ ji ye ma nɛ imi nitsɛ i bɔ ha ye he, konɛ a la kɛ je ye yi!”

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Ezekiel 16:8

“Benɛ i ba gu lejɛ ɔ ekohu ɔ, i na kaa jehanɛ lɛɛ o wa nɛ o su gbami nya. I ngɔ ye bo kɛ ha o nɔ, nɛ o he fɔ we si gu hu. I ka mo kita, nɛ i kɛ mo so; nɛ i ngɔ mo ngɔ pee ye yo.” Nyɔmtsɛ Yawɛ lɛ de.

Zefania 2:2

nɛ nyɛ ko ba ngla nɛ nyɛ gbo kaa dwɔmi nɛ Yawɛ mi mi fumi ɔ nɛ ba nyɛ nɔ, nɛ ligbi ɔ nɛ Yawɛ mi mi ma fu nyɛ ɔ nɛ e su.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Malaki 4:3

Ligbi ɔ nɛ ma tsu ní nɛ ɔ, yiwutsotsɛmɛ maa pee kaa la zu ngɛ nyɛ nane sisi, nɛ nyɛ maa naa a nɔ.” Yawɛ Tabohiatsɛ ɔ lɛ de.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

1 Korintobi 15:23

Se Mawu ma tle nɔ tsuaa nɔ si ngɛ be nɛ sa mi. Kekleekle nɔ ji Kristo, nɛ lɔ ɔ se ke Kristo ma a, a ma tle e we bi ɔmɛ hu si.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Mose V, 7:6

Nyɛɛ pee ja, ejakaa Yawɛ, nyɛ Mawu ɔ hla nyɛ kɛ je nihi tsuo nɛ ngɛ je ɔ mi ɔ a kpɛti, bɔ nɛ pee nɛ nyɛɛ pee lɛ nitsɛ e ma pɔtɛɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.