Malaki 3:11 - BAIBLO ALOO NGMAMI KLƆUKLƆU Ɔ

¹¹ I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.

Malaki 3:11 ပူးပေါင်းရင်းမြစ်များ

Yeremia 8:13

“I ka kaa ma bua ye ma a nya kaa bɔ nɛ ngmɔ hulɔ buaa e ngmɔ niba ní nya a; se e hí peemi. Ye ma a ngɛ kaa wai tso nɛ wai yiblii be nɔ. A ngɛ kaa ngmɔkɔ tso nɛ ngmɔkɔ be nɔ; ba amɛ tete po ngla. Enɛ ɔ he je ɔ, i ha nɛ nibwɔhi ba ngɔ a zugba a.”

Hosea 2:21

Jamɛ a be ɔ, ma bu ye ma Israel kue fami ɔ tue. Ma ha hiɔmi maa nɛ, nɛ zugba a maa ba ní; blɛfo, wai yiblii, kɛ Oliv maa pɔ he.

Yoel 1:12

Wai tso ɔmɛ, ngmɔkɔ tso ɔmɛ, kɛ tã amɛ ylɔ; nɛ tso kpa amɛ tsuo gbli, nɛ a gbo. Ma a bua jɔmi ɔ se po.

Yoel 1:4

Baalɛ kuuhi babauu ba, ba puɛ ngmɔ niba ní tsuo: Kekleekle kuu ɔ ba poo ní, nɛ a kpe. Enyɔne ɔ ba kpe niba ní nɛ piɛ ɔ. Etɛne ɔ ba kpe kakaaka nɛ piɛ ngɛ se ɔ. Nyagbe kuu ɔ ba ye niba ní nɛ piɛ ngɛ sisi ɔ tsuo.

Yoel 1:7

A kpata wa wai tso ɔmɛ a hɛ mi, nɛ a kpe wa ngmɔkɔ tso ɔmɛ. A kpe toto ɔ ngɛ tso ɔmɛ a he kɛ ya si tso kɔni ɔmɛ a he pee futaa.

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Yoel 2:22

Nyɛ nga mi lohwehi, nyɛ ko ye gbeye. Nga mumu puɛ ngɛ nga a nɔ ngɛ lohwe lɛmi he ɔmɛ; tso ɔmɛ ngɛ yiblii woe; ngmɔkɔ kɛ wai ba babauu.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Amos 4:9

“I ha nɛ latsa kɛ gɔgɔ kpata nyɛ niba ní ɔmɛ a hɛ mi. Baalɛhi ye nɔ́ tsuaa nɔ́ ngɛ nyɛ ngmɔ ɔmɛ, kɛ nyɛ wai abɔɔ ɔmɛ a mi; ngmɔkɔ tso ɔmɛ, kɛ oliv tso ɔmɛ hu a kpe mɛ tsuo. Loloolo ɔ, nyɛ kpale we kɛ bɛ ye ngɔ.

Habakuk 3:17

Ke ngmɔkɔ tso gba we mɔmɔ, nɛ wai tso ɔmɛ wui yiblii, ke oliv nu bɛ, nɛ niye ní be ngmɔ ɔ nɔ, ke to ɔmɛ a hɛ mi kpata, nɛ na amɛ gbo ta tsu ɔ mi, ke ní nɛ ɔmɛ tsuo ba mi po,

Hagai 1:11

I ha nɛ sapu ye nibɔ ní ɔmɛ tsuo; zugba a, yoku ɔmɛ, blɛfo ngmɔ ɔmɛ, wai ngmɔ ɔmɛ, oliv abɔɔ ɔmɛ, nimli adesahi, lohwehi, kɛ nɔ́ tsuaa nɔ́ nɛ a gbo he dengme ɔ, sapu ye mɛ tsuo pɛpɛɛpɛ.”

Hagai 2:17

Imi nitsɛ lɛ i ha nyɛ ní ɔmɛ fu ja, nɛ kɔɔhiɔ nɛ nglaa ní, kɛ gbiɛ ngo ngu ba kpata nɔ́ tsuaa nɔ́ nɛ nyɛ gbo he dengme ɔ hɛ mi, se kɛ̃ ɔ, nyɛ tsakee we nyɛ tsui.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Mose V, 11:14

Ke nyɛ pee ja a, e ma ha hiɔmi maa nɛ ngɛ e be mi gbo kɛ gbiɛ tsuo, nɛ nyɛ ma na blɛfo, wai, kɛ nu.