Malaki 3:1 - BAIBLO ALOO NGMAMI KLƆUKLƆU Ɔ

¹ Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Malaki 3:1 ပူးပေါင်းရင်းမြစ်များ

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Luka 1:76

“Nɛ mo, ye bi, a ma tsɛ mo Hiɔwe No ɔ gbalɔ. O maa sɛ Nyɔmtsɛ ɔ hlami, nɛ o ma dla e blɔ ɔ kɛ to lɛ.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Ni Tsumi 19:4

Paulo ya nɔ ke, “Yohane tsɔɔ kaa nihi nɛ tsake a tsui loko a sɔle mɛ. Nɛ e de Israel ma a ke, ‘Nyɛ he nɔ nɛ ma ngɛ ye se ɔ nyɛɛ ye. Lɛ ji Yesu ɔ nɛ.’ ”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose II, 23:20

“Hyɛ, i ngɛ bɔfo ko tsɔe kɛ nyɛɛ o hɛ mi, nɛ e bu o he ngɛ blɔ ɔ nɔ hluu kɛ yaa si he nɛ i dla ngɔ to mo ɔ.

Luka 19:47

Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Luka 2:46

Ligbi etɛne ɔ, a ya na lɛ ngɛ sɔlemi we ɔ nɛ e hii si ngɛ mlaa tsɔɔli ɔmɛ a kpɛti; e ngɛ mɛ tue bue, nɛ e ngɛ mɛ ní bie.

Luka 2:38

Jamɛ a ngmlɛfia a nɔuu ɔ, Ana hu ba lejɛ ɔ. E ba je Mawu yi, nɛ e tu bimwɔyo ɔ he munyu ngɔ tsɔɔ nihi tsuo nɛ ngɛ Mawu blɔ hyɛe nɛ e kpɔ Yerusalem ma a.

Luka 2:11

Mwɔnɛ ligbi nɛ ɔ, a fɔ nyɛ yi wami helɔ, Nyɔmtsɛ Kristo ɔ ngɛ David ma a mi!

Mateo 11:14

Ke nyɛ suɔ kaa nyɛ ma he a sɛ gbi ɔ nyɛɛ ye ɔ, Yohane ɔ ji Eliya nɛ maa ba a nɛ.

Hagai 1:13

Jehanɛ Hagai, Yawɛ tsɔlɔ ɔ ngɔ Yawɛ sɛ gbi ɔ ngɔ ha ma a ke, “I kɛ nyɛ ngɛ.” Yawɛ lɛ de.

Malaki 2:4

Jamɛ a be ɔ mi ɔ, nyɛ maa na kaa imi lɛ i wo nyɛ mlaa nɛ ɔ, bɔ nɛ pee nɛ somi ɔ nɛ ngɛ i kɛ Levi bi ɔmɛ wa kpɛti ɔ nɛ da si.

Mose II, 23:21

Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.