Malaki 2:8 - BAIBLO ALOO NGMAMI KLƆUKLƆU Ɔ

⁸ “Se, nyɛ osɔfohi! Amlɔ nɛ ɔ, nyɛ gba kɛ je blɔ nɛ da a nɔ. Nyɛ ní tsɔɔmi ɔ ha nɛ nihi fuu a nane kpata. Somi ɔ nɛ i kɛ nyɛ so ɔ, nyɛ yi nɔ.

Malaki 2:8 ပူးပေါင်းရင်းမြစ်များ

Nehemia 13:29

Ye Mawu, mo kai bɔ nɛ jamɛ a ni ɔmɛ ble osɔfo yemi, kɛ somi nɛ o kɛ osɔfo ɔmɛ, kɛ Levi bi ɔmɛ so ɔ hulɔ.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Malaki 2:5

“I wo mɛ si ke ma ha mɛ wami, kɛ tue mi jɔmi, nɛ i pee ja konɛ a bu mi. Niinɛ, jamɛ a be ɔ mi ɔ, a buu mi, nɛ a yeɔ mi gbeye.

Ezekiel 44:10

Yawɛ de mi ke, “Levi bi nɛ a kɛ Israel ma nɛ piɛ ɔ kua mi, nɛ a ya ja amagahi ɔ, ma gbla a tue.

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Yesaya 30:11

Nyɛ ko nyɛɛ Yawɛ se; nyɛɛ gu he kpa! Wa hla we nɛ waa nu nyɛ, Israel Mawu klɔuklɔu ɔ he sane ko!”

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Yesaya 9:16

Nihi nɛ nyɛɛ ma a hɛ mi ɔ ha ma a laa blɔ, nɛ a pee basaa.

La 119:102

I ji o munyu ɔmɛ a he; ejakaa mo lɛ o tsɔɔ mi ní.

La 18:21

I ye Yawɛ mlaa amɛ a nɔ, nɛ i pee we yayami ko kɛ puɛ i kɛ ye Mawu ɔ wa kpɛti.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Samuel I, 2:24

Dɛbi, ye bimɛ, nyɛ kpa! Níhi nɛ i ngɛ nue nɛ Yawɛ ma a ngɛ dee ngɛ nyɛ he ɔ, pi ní kpakpahi.

Mose III, 21:15

Ke pi ja a, e bimɛ nɛ sa kaa a peeɔ klɔuklɔu ɔ, a he be tsɔe. Imi ji Yawɛ; imi nɛ i hla lɛ ngɔ to kaa osɔfo nɔkɔtɔma a nɛ.”

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Mose IV, 25:12

Lɔ ɔ he ɔ, mo de lɛ ke, i kɛ lɛ ngɛ he jɔmi somi soe.

Mose IV, 25:13

E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.

Matsɛmɛ II, 16:11

Nɛ loko Matsɛ Ahaz je Damasko kɛ ba a, osɔfo Uria puɛ bɔ sami la tɛ nɛ henɔ ngɛ kaa nɔ́ nɛ Matsɛ Ahaz ngɔ kɛ mane lɛ kɛ je Damasko ɔ pɛpɛɛpɛ.

Abɛ Womi 12:8

Ke o ngɛ juɛmi ɔ, a ma je o yi. Se ke o biɛ lɛɛ a maa gbe o he guɛ.

Ezekiel 22:26

Osɔfo ɔmɛ plɛɔ ye mlaa a hɛ mi buɔ si, nɛ a bleɔ ye ní klɔuklɔu ɔmɛ. A li slɔɔto nɛ ngɛ nɔ́ klɔuklɔu, kɛ nɔ́ gu a kpɛti. A tsɔɔ we ni ɔmɛ slɔɔto nɛ ngɛ nɔ́ nɛ he tsɔ, kɛ nɔ́ nɛ he tsɔ we a kpɛti. A kuɔ a hɛ ngɔ fɔɔ Hejɔɔmi ligbi ɔ nɔ. Lɔ ɔ he ɔ, Israel bi ɔmɛ bui mi fɛɛ.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’