Malaki 2:5 - BAIBLO ALOO NGMAMI KLƆUKLƆU Ɔ

⁵ “I wo mɛ si ke ma ha mɛ wami, kɛ tue mi jɔmi, nɛ i pee ja konɛ a bu mi. Niinɛ, jamɛ a be ɔ mi ɔ, a buu mi, nɛ a yeɔ mi gbeye.

Malaki 2:5 ပူးပေါင်းရင်းမြစ်များ

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Mose IV, 8:15

Ke o tsukɔ Levi bi ɔmɛ a he, nɛ o hla mɛ ngɔ to ɔ, lɔ ɔ se loko a ma nyɛ maa ya kpe he bo tsu ɔ mi nɛ a ya sɔmɔ mi ngɛ lejɛ ɔ.

Mose IV, 3:45

“Jehanɛ, moo hla Levi bi ɔmɛ ngɔ to ha mi ngɛ Israel bitɛte ɔmɛ tsuo a nane mi, kɛ a we mi lohwehi hu ngɛ Israel bi ɔmɛ a we mi lohwehi tsuo a kekleekle bi ɔmɛ a nane mi. Imi ji Yawɛ!

Mose IV, 25:7

Benɛ Eleazar bi Finehas, nɛ ji osɔfo Aaron bibi ɔ na nɔ́ nɛ ɔ, e te si kɛ je gua a mi. E ya kɛ̃ akplɔ,

Mose IV, 25:8

nɛ e nyɛɛ Israel no ɔ se kɛ ya sɛ e se tsu mi; nɛ e kɛ akplɔ nɛ e hɛɛ ɔ gbɔ nyumu ɔ kɛ yo ɔ tsuo kɛ ya pa si. Kɛkɛ nɛ gbenɔ hiɔ ɔ se po ngɛ Israel bi ɔmɛ a kpɛti.

La 61:5

Mawu, si nɛ i wo mo ɔ, nu, nɛ nihi nɛ yee mo gbeye ɔ a weto ní ɔ, o ngɔ kɛ ha mi.

Abɛ Womi 14:2

Ke o peeɔ nɔ́ nɛ da a, lɔ ɔ tsɔɔ kaa o yeɔ Yawɛ gbeye. Se ke o yi anɔkuale ɔ, lɔ ɔ tsɔɔ kaa o ngɛ e he guɛ gbee.