Malaki 2:4 - BAIBLO ALOO NGMAMI KLƆUKLƆU Ɔ

⁴ Jamɛ a be ɔ mi ɔ, nyɛ maa na kaa imi lɛ i wo nyɛ mlaa nɛ ɔ, bɔ nɛ pee nɛ somi ɔ nɛ ngɛ i kɛ Levi bi ɔmɛ wa kpɛti ɔ nɛ da si.

Malaki 2:4 ပူးပေါင်းရင်းမြစ်များ

Matsɛmɛ I, 22:25

Mikaya he nɔ ke, “Ke be nɛ o ya sɛ se tsu mi nɛ o laa o he ɔ, kɛkɛ o maa na mo.”

Nehemia 13:29

Ye Mawu, mo kai bɔ nɛ jamɛ a ni ɔmɛ ble osɔfo yemi, kɛ somi nɛ o kɛ osɔfo ɔmɛ, kɛ Levi bi ɔmɛ so ɔ hulɔ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

Yeremia 28:9

Gbalɔ nɛ gbaa ke tue mi jɔmi maa ba a, ke jamɛ a gbalɔ ɔ munyu ɔ na ba mi ɔ, lɔ ɔ loko a maa le kaa Yawɛ lɛ tsɔ lɛ niinɛ.”

Ezekiel 33:33

Níhi nɛ o de mɛ ɔ tsuo maa ba mi sisiisi. Ke a ba mi ɔ, kɛkɛ a maa le kaa gbalɔ ko kɛ mɛ ba hi si hyɛ.”

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mose IV, 18:2

O nyɛmimɛ Levi bi ɔmɛ, nɛ ji o tsɛ weku li ɔmɛ ɔ, ha nɛ mɛ hu a ba piɛ o kɛ o bimɛ ɔmɛ a he, be mi nɛ nyɛ ngɛ sɔmɔe ngɛ bo tsu ɔ mi.

Mose IV, 18:21

Yawɛ de ke, “Levi bi ɔmɛ lɛɛ i ngɔ Israel níhi tsuo a mi dlami nyɔngmanyɔngma mi kakaaka kɛ ngɛ mɛ hae kaa a weto ní, ngɛ ní nɛ a tsuɔ ngɛ kpe he bo tsu ɔ mi ɔ he.

Mose IV, 25:12

Lɔ ɔ he ɔ, mo de lɛ ke, i kɛ lɛ ngɛ he jɔmi somi soe.

Mose IV, 3:11

Yawɛ de Mose ke,

Mose IV, 3:12

“Jehanɛ, Levi bi ɔmɛ maa pee ye níhi. Benɛ i gbe Egipt bi ɔmɛ a bitɛte ɔmɛ tsuo ɔ, i tsukɔ Israel bi ɔmɛ a bitɛte tsuaa bitɛte, kɛ a lohwehi hu a kekleekle bihi a he kɛ pee ye níhi. Jehanɛ lɛɛ i hla Levi bi ɔmɛ kɛ to Israel bitɛte ɔmɛ a nane mi; a maa pee ye níhi. Imi ji Yawɛ.”

Mose IV, 3:45

“Jehanɛ, moo hla Levi bi ɔmɛ ngɔ to ha mi ngɛ Israel bitɛte ɔmɛ tsuo a nane mi, kɛ a we mi lohwehi hu ngɛ Israel bi ɔmɛ a we mi lohwehi tsuo a kekleekle bi ɔmɛ a nane mi. Imi ji Yawɛ!

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Luka 10:11

‘Nyɛ ma nɛ ɔ mi bunyuku tete nɛ ngɛ wa nane he ɔ, wa ngɛ blɛe kɛ ngɛ nyɛ nɔ puee. Se kɛ̃ ɔ, nyɛ na nɛ nyɛɛ le kaa Mawu matsɛ yemi ɔ na nyɛ ta!’

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.