Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Malaki 2:17 - BAIBLO ALOO NGMAMI KLƆUKLƆU Ɔ

17 Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

အခန်းကိုကြည့်ပါ။ ကော်ပီ




Malaki 2:17
34 ပူးပေါင်းရင်းမြစ်များ  

Nɔ nɛ he wa nɛ e yeɔ dami sane ɔ, o maa bu lɛ fɔ, konɛ nɔ nɛ sume dami sane yemi ɔ mohu nɛ ye tsɛ lo?


E je imi nɔ kake ye he jinɛ a ko gbla Hiob tue wawɛɛ nitsɛ ngɛ munyu yayahi nɛ e tu kɛ si Mawu ɔ he.


Se, jehanɛ lɛɛ a ngɛ o tue gblae bɔ nɛ sa mo.


Mawu ngɔ je ɔ kɛ wo nimli yayamihi a dɛ mi. E ngɔ nɔ́ ngɔ ha kojoli ɔmɛ a hɛ mi. Ke pi Mawu nɛ pee ɔ, lɛɛ mɛnɔ lɛ pee?


Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.


I sume nyɛ Nyɔhiɔhe nyami be ɔmɛ, kɛ Hejɔɔmi ligbi ɔmɛ; enɛ ɔmɛ peeɔ haomi kɛ pɔtɔ ha mi.


Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.


Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.


Yawɛ ke, “Se mo Israel, ye he sane ba ti mo; o ja we mi hu.


O he we tsopa kɛ e he via ha mi, nɛ o ngɔɛ lohwehi a zɔ hu kɛ ba sã we bɔ kɛ sa ye hɛ mi, se mohu, o ngɔ o he yayami kɛ ngɛ mi haoe sɔuu, nɛ pɔ tɔ mi kɛ o tɔmi ɔmɛ.


Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?


Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?


Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.


Nɔ́ nɛ ma a deɔ mi ji, “Yawɛ munyuhi nɛ o kɛ ngɛ wa he gbeye woe ɔ, ha nɛ a ba mi koo!”


Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.


O kaii we nɔ́ nɛ i pee ha mo ngɛ o yihe mi ɔ, se mohu o ngɔ je mi bami yaya nɛ ɔmɛ tsuo kɛ wo ye mi mi la. Lɔ ɔ he nɛ i ha o na a he hiɔwo sisiisi ɔ nɛ. Se mɛni he je po nɛ o kpale ngɔ ajuama bɔmi basaa kɛ piɛ yayamihi nɛ o pee ɔ a he ɔ?” Nyɔmtsɛ Yawɛ lɛ de.


“Nyɛ deɔ ke, ‘Nɔ́ nɛ Nyɔmtsɛ ɔ pee ɔ dɛ.’ Israel bi, nyɛɛ bu mi tue. Nyɛ susuɔ kaa bɔ nɛ i peeɔ níhi ɔ dɛ lo? Anɛ pi nyɛ mohu nɛ nyɛ ní peepee ɔmɛ dɛ lo?


Mawu bi mi ke, “Nɔmlɔ adesa, tse o na nɔ́ nɛ Israel ma nimeli ɔmɛ ngɛ pee ngɛ diblii mi! Tse o na nɔ́ nɛ nɔ tsuaa nɔ ngɛ tsue ngɛ lɛ nitsɛ e we amaga jami he. Se nɔ́ nɛ a ngɛ dee ji, ‘Yawɛ nɛ wɔ! Yawɛ si e zugba a ngɔ fɔ si.’ ”


Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.


“Lɔ ɔ he ɔ, ma gbla nyɛ tue, nɛ nyɛ ma kɛmɛ kaa bɔ nɛ tlɔɔke kɛmɛɛ ke a wo lɛ ngma nɛ́ e hyi kɛ be nɔ ɔ.


“Jamɛ a ligbi ɔ, ma su kane kɛ kpa Yerusalem. Nɛ nihi nɛ hii si ngɛ a he yayami mi, nɛ nɔ́ ko pue we a tsui nɔ ɔ, ma ya hla a se blɔ, nɛ ma gbla a tue. Nimli nɛ ɔmɛ deɔ a he ke, ‘Oo, Yawɛ tsa be wɔ nɔ́ ko pee.’


Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.


I ngɛ bie ke, Mawu ɔ, anɛ nɔmlɔ sisiɔ lɛ lo? Dɛbi! Se nyɛɛ lɛɛ nyɛ ngɛ mi sisie. Nyɛ biɔ mi ke, ‘Kɛ wa plɛ kɛ ngɛ mo sisie kɛɛ?’ Mi dlami nyɔngmanyɔngma mi kakaaka, kɛ nike ní nɛ ma a ba haa mi ɔ, nyɛ sisiɔ mi ngɛ mi.


“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.


Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ