Malaki 2:16 - BAIBLO ALOO NGMAMI KLƆUKLƆU Ɔ

¹⁶ Yawɛ, Israel Mawu ɔ ke, “I sume nɛ nɔ fieɔ e yo. Ke nɔ ko pee e yo yi wu tso nɔ́ ko kaa kikɛ nɛ ɔ, i sume. Enɛ ɔ he je ɔ, nyɛɛ hyɛ nyɛ he nɔ saminya, konɛ si ko nɛ nyɛ wo nyɛ yi ɔmɛ kaa nyɛ maa ye mɛ anɔkuale ɔ, nyɛ ko je se.”

Malaki 2:16 ပူးပေါင်းရင်းမြစ်များ

La 73:6

Enɛ ɔ he je ɔ, he womi ji kuɛ ní nɛ a kɛ fɔ a kuɛ. Yi mi wami ji bo nɛ mɛɛ a haa.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Abɛ Womi 5:20

Ye bi, mɛni he je lɛ yo ajuama haa o yi mi plɛɔ kikɛ nɛ ɔ? Mɛni ha o fua nɔ kpa e yo kɛ wo o gugwe mi ɔ?

Yesaya 28:20

Kaa bɔ nɛ a buu abɛ ɔ, nyɛ maa pee kaa nyumu ko nɛ ngɛ hlae nɛ e hwɔ si ngɛ sa tso kpiti ko nɔ. Sa tso ɔ ka we bɔ nɛ e ma nyɛ kpã e mi ngɛ nɔ, nɛ e nɔ hami bo ɔ hu bli we bɔ nɛ e ma nyɛ kɛ ha e he tsuo.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

1 Korintobi 7:10

Nyɛ ni nɛmɛ nɛ nyɛ ngɛ gba si himi mi ɔ, mlaa nɛ Nyɔmtsɛ ɔ ngɛ nyɛ woe ji yo kó je gba! Enɛ ɔ, pi imi nɛ i de.