Malaki 2:15 - BAIBLO ALOO NGMAMI KLƆUKLƆU Ɔ

¹⁵ O kɛ o yo ɔ, anɛ Mawu pee we nyɛ ni enyɔ ɔmɛ kake lo? Mɛni he je lɛ Mawu pee ja a? Mawu pee nɔ́ nɛ ɔ, bɔ nɛ pee nɛ nyɛ fɔ bimɛ nɛ ma ba pee lɛ nitsɛ e ma. Lɔ ɔ he ɔ, si nɛ nyɛ wo nyɛ nihe mi yi kpeekpee ɔmɛ ɔ, nyɛɛ hyɛ saminya nɛ nyɛ ti nɔ ko kó je se kɛ ya pee nɔ́ kpa.

Malaki 2:15 ပူးပေါင်းရင်းမြစ်များ

Mose I, 1:27

Kɛkɛ nɛ Mawu bɔ nɔmlɔ, nɛ e pee lɛ kaa bɔ nɛ lɛ nitsɛ e ngɛ ɔ; e bɔ nyumu kɛ yo.

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Mose I, 24:44

Ke e kplɛɛ, nɛ jehanɛ se hu e de mi ke e maa yɛ nyu ha ye afukpɔngɔ ɔmɛ nɛ a nu ɔ, ha nɛ e pee yo nɛ mo nitsɛ o hla kɛ ha ye nyɔmtsɛ ɔ binyumu ɔ.’

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 6:2

Mawu binyumu ɔmɛ ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ.

Ezra 9:4

Nɔ́ nɛ Israel Mawu ɔ de ngɛ yayami nɛ nihi nɛ kpale kɛ je ma se kɛ ba a pee ɔ he ɔ, nihi babauu nu he. A kɛ he domi blibliibli ba bɔle mi kɛ kpe be mi nɛ i pee basaa kɛ hii si ɔ, hluu kɛ ya si gbɔkuɛ nya si bɔ sami be.

Nehemia 13:24

A bimɛ ɔmɛ fa tuɔ Ashdod gbi, loo gbi kpa ko, nɛ a tu we Yuda gbi ɔ.

Hiob 27:3

kaa be abɔ nɛ i ngɛ wami mi, nɛ Mawu mumi ngɛ ye mi nɛ ɔ,

Mose II, 20:14

“Ko puɛ gba.

Abɛ Womi 2:17

yo nɛ kua e yihe mi huno, nɛ si nɛ e wo e Mawu ɔ hu e yi nɔ.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Abɛ Womi 7:25

Nyɛ ko ha nɛ yo kaa kikɛ nɛ ɔ ba gbe nyɛ yi mi nɛ nyɛ ya nyɛɛ e se. Nyɛ ko tla kɛ ya be ngɛ e blɔ mi tete po.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Malaki 2:14

Nyɛ biɔ ke, “Mɛni he je Yawɛ he we wa nike ní ɔmɛ ngɛ wa dɛ hu?” Ɛ̃ɛ̃, ma tsɔɔ mo nɔ́ nɛ he je! Yawɛ le kaa si ko nɛ o wo o nihe mi yo kpeekpee ɔ, o yi nɔ hu. Yo nɛ o wo si ngɛ Mawu hɛ mi ke o kɛ lɛ maa hi si saminya a, o yi lɛ anɔkuale.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Yohane 20:22

Kɛkɛ nɛ e mu ngɔ pue a nɔ, nɛ e de mɛ ke, “Nyɛ he Mumi Klɔuklɔu ɔ.

Ni Tsumi 3:25

Si nɛ Mawu wo kɛ gu gbali ɔmɛ a nɔ ɔ, nyɛ nɔ́, nɛ somi nɛ Mawu kɛ nyɛ nɛmɛ ɔmɛ so ɔ, nyɛ piɛ he. Bɔ nɛ e de Abraham ji, ‘Ma gu o nina nɔ nɛ ma gbaa nimli tsuo ngɛ zugba a nɔ.’

1 Korintobi 7:14

Ejakaa nyumu nɛ li Kristo ɔ, e yo ɔ he ɔ, a tsukɔ e he ngɔ ha Mawu. Yo nɛ li Kristo ɔ, lɛ hu e huno ɔ he ɔ, a tsukɔ e he ngɔ ha Mawu. Ke pi jã a, jinɛ a bimɛ ɔmɛ a he tsɔ we. Se amlɔ nɛ ɔ, a ba pee bimɛ nɛ a tsukɔ a he ha Mawu.

1 Korintobi 7:2

Se ajuama bɔmi he ɔ, nyumu tsuaa nyumu nɛ ná lɛ nitsɛ e yo, nɛ yo tsuaa yo nɛ ná lɛ nitsɛ e huno.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

Mose V, 7:4

Ejakaa a ma kpaka nyɛ bimɛ ɔmɛ kɛ je Yawɛ he kɛ ya ja mawu kpahi. Ke e ba mi ja a, Yawɛ mi mi ma fu, nɛ e ma kpata nyɛ hɛ mi amlɔ.

Tito 1:6

Asafo nya dalɔ ɔ, e pee nɔ ko nɛ piami be e he, nɔ nɛ ngɛ yo kake pɛ, nɛ e bimɛ le Kristo. Bimɛ ɔmɛ nɛ a pee nihi nɛ a yeɔ a he odase kpakpa; pi yaholi, loo nihi nɛ tsɔɔ atuã.

Rut Womi 4:12

Ngmɛduhi nɛ Yawɛ ma ha mo kɛ gu yo nɛ ɔ nɔ ɔ, a ha nɛ o we ɔ hɛ mi nɛ ba nyami kaa Yuda kɛ Tamar a bi Perez we ɔ.”

Samuel I, 2:20

Kɛkɛ Eli maa gbaa Elkana kɛ e yo ɔ, nɛ e ma de Elkana ke, “Yawɛ nɛ e ha nɛ o kɛ o yo ɔ nɛ na bimɛ kpahi, nɛ a ba ye nɔ nɛ o ngɔ kɛ ba ha lɛ ɔ nane mi.” Lɔ ɔ se ɔ, a maa kpale a se kɛ ho a ma mi ya.