Malaki 2:12 - BAIBLO ALOO NGMAMI KLƆUKLƆU Ɔ

¹² Nɔ tsuaa nɔ nɛ tsuɔ kikɛmɛ a ní nɛ ɔ, Yawɛ nɛ je lɛ kɛ je Israel bi ɔmɛ a kpɛti. A ko ngmɛ lɛ blɔ nɛ e ngɔ nike ní kɛ ba Yawɛ Tabohiatsɛ ɔ hɛ mi hu gblegbleegble.

Malaki 2:12 ပူးပေါင်းရင်းမြစ်များ

Kronika I, 25:8

A fɔ sɔ nɛ a kɛ dla ní tsumi ɔ. A hyɛ we nɔ ko hɛ mi, jokuɛ jio, nɔkɔtɔma jio, tsɔɔlɔ jio, kaselɔ jio.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Ezekiel 14:10

Gbalɔ ɔ, kɛ nɔ nɛ ba bi ní ngɛ e ngɔ ɔ tsuo ma ná tue gblami kake.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Mose III, 18:29

Nɔ tsuaa nɔ nɛ maa pee níhi nɛ a hĩɔ nɛ ɔ eko ɔ, a je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.”

Mose III, 20:3

Ke nɔ ko ngɔ e bi kɛ ha Molek, nɛ e kɛ nɔ́ nɛ ɔ ble ye bo tsu klɔuklɔu ɔ, nɛ e kɛ puɛ ye biɛ klɔuklɔu ɔ, ye hɛ maa dɔ kɛ wo jamɛ a nɔ ɔ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Zakaria 12:7

“Imi Yawɛ, ma ha Yuda bo tsu ɔmɛ maa ye kunimi kekle, bɔ nɛ pee nɛ hɛ mi nyami nɛ David nina a, kɛ nihi nɛ ngɛ Yerusalem ɔ ma ná a kó pe Yuda nɔ́ ɔ.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Malaki 2:10

Anɛ pi tsɛ kake too nɛ wɔ tsuo wa ngɛ lo? Anɛ pi Mawu kake too ɔ nɛ bɔ wɔ tsuo lo? Mɛni he je mɔ nɛ wa yi wa nyɛmimɛ anɔkuale ɔ? Somi ɔ nɛ Mawu kɛ wa nɛmɛ ɔmɛ so ɔ, mɛni he je wa yi nɔ ɔ?

Mose IV, 24:5

Yakob lee, o bo tsu ɔmɛ ngɛ fɛu; Israel lee, o sito he ɔmɛ ngɛ fɛu.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Samuel I, 3:14

Lɔ ɔ he ɔ, i ngɛ Eli kɛ e we mi bi ɔmɛ kita kae kaa yayami agbo nɛ a pee nɛ ɔ, a kɛ sami bɔ, loo niye ní bɔ ko be nyɛe ma kpata mi kɔkɔɔkɔ.”