Malaki 2:11 - BAIBLO ALOO NGMAMI KLƆUKLƆU Ɔ

¹¹ Si nɛ Yuda bi ɔmɛ wo Mawu ɔ, a yi nɔ; mohu ɔ, a tsu musu ní ngɛ Yerusalem, kɛ zugba a tsuo nɔ. A ble Yawɛ we ɔ nɛ e suɔ saminya a. Nyumu ɔmɛ ngɔ yihi nɛ jaa ma se mawuhi.

Malaki 2:11 ပူးပေါင်းရင်းမြစ်များ

Ezra 10:2

Kɛkɛ nɛ Elam we puɔ nya no ko nɛ a tsɛɛ lɛ Yehiel ɔ bi Shekania de Ezra ke, “Niinɛ, wa ya ngɔ ma se yihi, nɛ wa yi wa Mawu ɔ anɔkuale, se kɛ̃, hɛ nɔ kami ngɛ ha Israel.

Ezra 9:12

Lɔ ɔ he ɔ, wa kó ha wa biyi ɔmɛ ya gba ma je li ɔmɛ a binyumu ɔmɛ, nɛ wa kó ngɔ a biyi ɔmɛ kɛ ha wa binyumu ɔmɛ. Wa ko ha mɛ tue mi jɔmi, nɛ wa ko ngmɛ mɛ blɔ nɛ a plɔke kɔkɔɔkɔ. Kɛkɛ wa ma na he wami; wa maa ye zugba a nɔ niba ní, nɛ wa ma si ha wa nina kɛ maa ya neneene.

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Yeremia 3:10

Ní nɛ ɔmɛ tsuo a se ɔ, Yuda, Israel nyɛmiyo yaholɔ ɔ kpale we kɛ bɛ ye ngɔ kɛ e tsui tsuo; e ní peemi níhi tsɔɔ we kaa e tsake. Imi, Yawɛ lɛ i de.”

Yeremia 7:10

Ke nyɛ pee níhi nɛ i hiee nɛ ɔ ta a, nyɛ baa nɛ nyɛ ba daa si ngɛ ye hɛ mi, ngɛ imi nitsɛ ye we nɛ ɔ mi, nɛ nyɛ deɔ ke, ‘Oo, a he wa yi wami momo!’ Konɛ nyɛ ya pee musu ní nɛ ɔmɛ tsuo ekohu lo?

Ezekiel 18:13

nɛ e paa sika kɛ haa nɔ, nɛ e heɔ hekpa a, anɛ nɔmlɔ kaa kikɛ nɛ ɔ yi nɛ na wami lo? Dɛbi! E yi be wami nae kɔkɔɔkɔ! Ní hiemi ní nɛ ɔmɛ tsuo nɛ e pee ɔ a he ɔ, e ma gbo. E gbenɔ ɔ sa lɛ nitsɛ.

Ezekiel 22:11

Ni komɛ kɛ mɛ nitsɛmɛ a nyɛmimɛ a yihi hwɔɔ si; ni komɛ kɛ a nganyɛmɛ, nɛ ni komɛ hu kɛ a tsɛmɛ a biyihi hwɔɔ nɛ́ zo pee we mɛ.

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Malaki 1:1

Sɛ gbi nɛ Yawɛ ngɔ kɛ ha Malaki, nɛ e ya de Israel bi ɔmɛ ji nɛ ɔ nɛ.

Mose V, 14:2

Yawɛ, nyɛ Mawu ɔ níhi ji nyɛ. E hla nyɛ kɛ je je ma amɛ tsuo nɛ ngɛ zugba a nɔ ɔ a mi kɛ pee lɛ nitsɛ e ma.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Manyadali 3:6

A ngɔ ma je li ɔmɛ a biyihi, nɛ mɛ hu a kɛ a biyihi ha ma je li ɔmɛ a binyumuhi; nɛ a sɔmɔ a mawu ɔmɛ.