Malaki 1:7 - BAIBLO ALOO NGMAMI KLƆUKLƆU Ɔ

⁷ Nɔ́ nɛ nyɛ pee ji kaa nyɛ ngɔ niye ní nɛ he tsɔ we kɛ ba ye bɔ sami la tɛ ɔ he. Nɛ nyɛ biɔ mi ke, ‘Mɛni be wa pee nɔ́ ko kaa kikɛ nɛ ɔ?’ Ma de nyɛ! Nyɛ ble ye bɔ sami la tɛ ɔ.

Malaki 1:7 ပူးပေါင်းရင်းမြစ်များ

Ezekiel 41:22

bɔ sami la tɛ nɛ a kɛ tso pee. E hiɔwe yami ji gugue fa kɛ nine mi blimi enyɔ, nɛ e kami ji gugue fa, kɛ e blimi hu gugue fa. E kɔ nya amɛ, e nane ɔmɛ, kɛ e kasa nya amɛ tsuo tso a kɛ pee. Nyumu ɔ de mi ke, “Okplɔɔ nɛ maa Yawɛ hɛ mi ji nɛ ɔ nɛ.”

Ezekiel 44:16

Mɛ pɛ ji nihi nɛ maa ba ye he klɔuklɔu ɔ. A maa ba ye we okplɔɔ ɔ he, konɛ a ba sɔmɔ mi. Mɛ ji ni nɛmɛ nɛ maa hyɛ nɛ a ja mi saminya.

Mose III, 2:11

A kɛ masa nɔ́ ko kó pee niye ní bɔ ɔmɛ tsuo nɛ a kɛ ba haa Yawɛ ɔ eko; nyɛ ko sã masa nɔ́ ko loo hwo kaa bɔ nɛ a kɛ la sãã ha Yawɛ.

Mose III, 21:6

Osɔfo tsuaa osɔfo nɛ pee e he klɔuklɔu, nɛ e ko pue ye hɛ mi si; ejakaa lɛ nɛ sãã niye ní bɔ ɔ haa imi Yawɛ, lɔ ɔ he ɔ, e sa nɛ e pee e he klɔuklɔu.

Mose III, 21:8

Ma a nɛ bu osɔfo kaa nɔ klɔuklɔu, ejakaa lɛ nɛ e ngɔɔ niye ní bɔ ɔmɛ kɛ ba haa mi ɔ nɛ. Imi ji Yawɛ; i ngɛ klɔuklɔu, nɛ i peeɔ ye ma a klɔuklɔu.

Mose III, 3:11

Osɔfo nɛ ngɛ ní tsue jamɛ a be ɔ mi ɔ nɛ sã enɛ ɔmɛ tsuo ngɛ bɔ sami la tɛ ɔ nɔ kaa niye ní bɔ nɛ a kɛ la sãã ha Yawɛ.

Malaki 1:12

Se nyɛɛ lɛɛ nyɛ deɔ ke ye bɔ sami la tɛ ɔ he be se nami ko. Jehanɛ hu, nyɛ ngɔɔ niye ní nɛ a hiee kɛ ba sãã bɔ ngɛ nɔ.

Malaki 1:13

Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

1 Korintobi 10:21

Nyɛ be nyɛe maa nu Nyɔmtsɛ ɔ kplu ɔ, nɛ́ nyɛ ma ya nu mumi yayamihi hu a kplu. Nyɛ be nyɛe maa ye ní ngɛ Nyɔmtsɛ ɔ we okplɔɔ ɔ he, nɛ nyɛɛ kɛ mumi yayamihi hu ma ya ye ní.

Mose V, 15:21

Ke lohwe ɔmɛ a nane kplɔ ngɛ a sisi, loo a hɛngmɛ yu, loo sakpa ko ngɛ a he ɔ, koo ngɔ mɛ kɛ sã bɔ ha Yawɛ, o Mawu ɔ.