Malaki 1:4 - BAIBLO ALOO NGMAMI KLƆUKLƆU Ɔ

⁴ Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Malaki 1:4 ပူးပေါင်းရင်းမြစ်များ

Hiob 12:14

Ke Mawu ku nɔ́ ko kɛ pue si ɔ, mɛnɔ ma nyɛ maa ma ekohu? Ke e nga nɔ ko yi kɛ wo tsu mi ɔ, mɛnɔ ma nyɛ ma bli lɛ?

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Hiob 9:4

Mawu ɔ, e le ní, nɛ e he wa. Mɛnɔ lɛ te si kɛ si Mawu hyɛ nɛ e hi ha lɛ?

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

La 137:7

Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Yesaya 34:10

E maa tso nyɔ kɛ pia, nɛ e be gboe. Zugba a nɔ maa je gu yi nɔhi babauu, nɛ nɔ ko nɔ ko be nɔ nyɛɛe hu.

Yesaya 34:5

Yawɛ pee e klaate ɔ klaalo ngɛ hiɔwe, konɛ jehanɛ e kɛ gbe Edom bi ɔmɛ nɛ e de ke a ma kpata a hɛ mi ɔ.

Yeremia 31:17

Hwɔɔ se hɛ kɛ nɔ fɔmi ngɛ ha nyɛ; nyɛ bimɛ ɔmɛ maa kpale kɛ ba we ekohu. Imi, Yawɛ lɛ i de.

Yeremia 49:20

Lɔ ɔ he ɔ, yi mi nɛ i to kɛ wo Edom bi ɔmɛ a he, kɛ bɔ nɛ i to nɛ ma pee Teman ma mi bi ɔmɛ ji nɛ ɔ nɛ. Nyɛɛ bu tue! A bimɛ tsɔwitsɔwi po a maa gbla mɛ ngɛ zugba kɛ je, nɛ nɔ tsuaa nɔ he mi maa po.

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Yeremia 49:8

Nyɛ Dedan bi, nyɛ plɛ nɛ nyɛɛ tu fo! Nyɛ ya laa nyɛ he ngɛ muɔhi a mi. Ma kpata Esau nina a hɛ mi, ejakaa be ɔ nɛ ma kɛ gbla a tue ɔ, be ɔ su.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Kɔmɔ Yemi 3:37

Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Ezekiel 11:10

konɛ nyɛɛ le kaa imi ji Yawɛ.

Ezekiel 25:13

Lɔ ɔ he ɔ, i ngɛ dee ke ma gbla Edom tue wawɛɛ; ma kpata nimlihi, kɛ lohwehi tsuo a hɛ mi ngɛ lejɛ ɔ. Nihi babauu maa nɔ ngɛ ta mi kɛ maa je Teman kɛ yaa si Dedan tɔɔ. Nɛ Edom zugba a ma ba pee ma doku.

Ezekiel 25:14

Ma ha ye ma Israel hu kɛ Edom maa to ní; nɛ Edom maa na bɔ nɛ ye we abofu nya wa ha ke i ngɛ nɔ́ ko tue gblae ɔ.” Nyɔmtsɛ Yawɛ lɛ de.

Ezekiel 26:14

Ma pee mo tɛ sa kpataa, he nɛ wo hɛli ma ka a yahi ngɛ. A be mo dlae kɛ pee ma hu. Imi, Nyɔmtsɛ Yawɛ lɛ i de.”

Ezekiel 35:4

Ma pee o ma amɛ ma dokuhi; o zugba a tsuo maa pee pasaa; kɛkɛ ɔ, o maa le kaa imi ji Yawɛ.

Ezekiel 35:9

Ma pee mo pasaa kulaa. O ma amɛ maa pee ma dokuhi, nɛ nɔ ko nɔ ko be a mi hie hu. Kɛkɛ ɔ, o maa le kaa imi ji Yawɛ.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Amos 3:15

Ma ku wehi nɛ ngɛ ma amɛ, kɛ kɔpe ɔmɛ a mi ɔ ngɔ pue si. Wehi nɛ a kɛ suɔ wu dla a mi ɔ maa hule pue si, nɛ wehi babauu a hɛ mi ma kpata.” Yawɛ lɛ de.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.

Amos 6:11

Lɔ ɔ he ɔ, ke Yawɛ wo gbi ɔ, a maa ku we nguangua amɛ, kɛ wawi ɔmɛ tsuo ngɔ pue si.

Amos 6:2

Nyɛ deɔ nyɛ ma mi bi ɔmɛ ke, “Nyɛɛ ya nɛ nyɛ ya hyɛ Kalne ma a, Hamat ma nguaa a, kɛ Filisti bi a ma nɛ a tsɛɛ Gat ɔ. Sa a, ma nɛ ɔmɛ kle agboagbo, nɛ a ngɛ he wami hu pe Yuda kɛ Israel nɔ yemi he ɔmɛ. Se amlɔ nɛ ɔ lɛɛ nyɛɛ hyɛ mɛ ha!”

Obadia 1:1

Obadia gbami ɔ ji nɛ ɔ nɛ. Nɔ́ nɛ Nyɔmtsɛ Yawɛ de ngɛ Edom ma a he ji nɛ ɔ nɛ. Wa nu sɛ gbi ko kɛ je Yawɛ ngɔ; e tsɔ bɔfo ko ke e ya de je ma amɛ tsuo ke, “Nyɛɛ te si! Nyɛ ha waa kɛ Edom ya hwu ta!” Mal 1.2-5

Obadia 1:10

“O nyɛmimɛ ji Yakob nina. Se o wa mɛ yi mi, nɛ o gbe mɛ. Lɔ ɔ he ɔ, a ma kpata o hɛ mi, nɛ a ma pue o hɛ mi si kɛ ya neneene.” Mawu lɛ de.

Malaki 1:3

nɛ Esau kɛ e nina lɛɛ i nyɛ mɛ. I kpata Esau yo nɔ zugba a hɛ mi, nɛ i ngɔ e weto ní ɔ kɛ ha nga mi gbehi.”

Mateo 12:30

“Nɔ nɛ be ye blɔ fa mi ɔ, e te si ngɔ wo mi, ne nɔ nɛ kɛ mi bua we nɔ́ nya a, e ngɛ gbɛe kɛ ngɛ fĩae.