Malaki 1:14 - BAIBLO ALOO NGMAMI KLƆUKLƆU Ɔ

¹⁴ Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Malaki 1:14 ပူးပေါင်းရင်းမြစ်များ

Mose I, 27:12

Eko ɔ, tsaatsɛ maa pɛtɛ ye he, nɛ e maa na kaa i sisi lɛ; nɛ i kɛ gbiɛmi mohu, se pi gbaami maa ba imi nitsɛ ye nɔ.”

Samuel II, 24:24

Se matsɛ ɔ de Arauna ke, “Dɛbi, ma wo mo hiɔ; i kɛ níhi nɛ i na yaka be sami bɔ sãe ha Yawɛ, ye Mawu ɔ!” Kɛkɛ nɛ David ngɔ sika hiɔ yi nyingmi enuɔ kɛ he ngma gbeemi he ɔ, kɛ na amɛ.

La 102:16

Yawɛ kpale ma Zion ekohu; e ma je e he wami kpetekpleenyɛ ɔ kɛ tsɔɔ.

La 47:2

Yawɛ, nɔ nɛ ngɛ hiɔwe lokoo ɔ he ngɛ gbeye. Matsɛ kpetekpleenyɛ nɛ yeɔ je ɔ tsuo nɔ ji lɛ.

La 47:3

E jɔɔ ma amɛ a he ha wɔ, konɛ waa ye a nɔ.

La 47:8

Mawu hii si ngɛ e matsɛ sɛ klɔuklɔu ɔ nɔ! E ngɛ je ma amɛ tsuo a nɔ yee.

La 48:2

Zion yo ɔ nɛ ngɛ omleyi je lokoo ɔ, lɔ ɔ ji matsɛ kpetekpleenyɛ ɔ ma. Yo klɔuklɔu ɔ nɛ maa si glouu kɛ e he fɛu ɔ, lɔ ɔ lɛ haa je ɔ tsuo bua jɔmi.

La 68:35

Mawu, Israel Mawu ɔ he ngɛ gbeye ngɛ e hi he klɔuklɔu ɔ. E haa e ma a he wami, kɛ nyɛmi. A je Mawu yi.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

La 95:3

Ejakaa Yawɛ ɔ, Mawu kpetekpleenyɛ ji lɛ; lɛ ji mawu ɔmɛ tsuo a matsɛ nguaa.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Yeremia 48:15

A kpata Moab zugba a, kɛ ma amɛ tsuo a hɛ mi; a gbe Moab nihewi kpakpa amɛ tsuo. Imi matsɛ ɔ, Yawɛ Tabohiatsɛ ɔ, imi lɛ i de.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Daniel 9:4

I fa kue ha Yawɛ, ye Mawu ɔ, nɛ i jaje ye ma a he yayami. I de ke, “Nyɔmtsɛ Mawu, o kle agbo, nɛ o he ngɛ gbeye. O yeɔ o siwo nɔ, nɛ o naa nihi nɛ suɔ mo, nɛ yeɔ o mlaa amɛ a nɔ ɔ mɔbɔ.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

Malaki 2:1

Bɔ nɛ Yawɛ Tabohiatsɛ ɔ ngɛ nyɛ osɔfo ɔmɛ dee ji nɛ ɔ nɛ: “Mlaa nɛ i ngɛ nyɛ woe ji kaa

Malaki 3:9

Gbiɛmi ngɛ nyɛ tsuo nyɛ nɔ, ejakaa ma a tsuo ngɛ mi sisie.

Mateo 24:51

Nyɔmtsɛ ɔ ma tsɔtslɔɔ e mi, nɛ tue gblami nɛ sa osatotsɛmɛ ɔmɛ ɔ, e ma na eko. Lejɛ ɔ nɛ e maa wo ya, nɛ e ma kpe e lungu nya ngɛ.

Mateo 5:35

nyɛ ko ka zugba, ejakaa nɔ́ nɛ Mawu kɛ e nane maa nɔ ji lɔ ɔ nɛ; loo Yerusalem, ejakaa Matsɛ ngua a ma ji lɔ ɔ nɛ.

Marko 14:8

Yo nɛ ɔ pee nɔ́ nɛ e ma nyɛ. E sɛ hlami pɔ ye nɔmlɔ tso ɔ nu ngɔ to ye pumi.

Luka 12:46

Nyɔmtsɛ ɔ maa kpale kɛ ba tlukaa ligbi nɛ e tsɔlɔ ɔ hyɛ we lɛ blɔ, nɛ́ e hɛ be e he nɔ hulɔ. E maa gbla jamɛ a tsɔlɔ ɔ tue; e maa poo e mi kpɔ nya kpɔ nya kaa bɔ nɛ sa tue gbolɔ.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

Mose V, 28:58

“Ke nyɛ bui Mawu tsɔɔmi ɔmɛ tsuo, nɛ́ nyɛ pee bɔ nɛ a ngma ngɛ womi nɛ ɔ mi, nɛ nyɛ wui Yawɛ, nyɛ Mawu ɔ biɛ nɛ ngɛ nyakpɛ kɛ gbeye ɔ hɛ mi nyami ɔ,

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Hebribi 12:29

ejakaa wa Mawu ɔ, la nɛ kpataa nɔ́ hɛ mi pɛsɛpɛsɛ ji lɛ.

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”