Malaki 1:13 - BAIBLO ALOO NGMAMI KLƆUKLƆU Ɔ

¹³ Nyɛ deɔ ke, ‘Mɛni haomi po ji nɛ ɔ!’ Nɛ nyɛ gbeɔ ye he guɛ. Lohwe nɛ nyɛ kɛ ba sãã bɔ ha mi ji lohwe jujui, loo akpaketsɛ, loo hiɔtsɛ. Anɛ ma he bɔhi kaa kikɛ nɛ ɔ ngɛ nyɛ dɛ lo?

Malaki 1:13 ပူးပေါင်းရင်းမြစ်များ

Samuel II, 24:24

Se matsɛ ɔ de Arauna ke, “Dɛbi, ma wo mo hiɔ; i kɛ níhi nɛ i na yaka be sami bɔ sãe ha Yawɛ, ye Mawu ɔ!” Kɛkɛ nɛ David ngɔ sika hiɔ yi nyingmi enuɔ kɛ he ngma gbeemi he ɔ, kɛ na amɛ.

Yesaya 1:12

Mɛnɔ de nyɛ ke ke nyɛ ma mi jami ɔ, nyɛɛ ngɔ ní nɛ ɔmɛ tsuo kɛ ba sã bɔ ha mi? Mɛnɔ de nyɛ ke nyɛ ba nyɛɛ ye sɔlemi we ɔ kpo ɔ nɔ?

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Ezekiel 4:14

Kɛkɛ nɛ i de ke, “Kpaoo, Nyɔmtsɛ Yawɛ, i ble we ye he; kɛ je ye jokuɛwi a si hluu kɛ ba su be nɛ ɔ mi tsuo ɔ, nɔ́ ko nɛ lɛ nitsɛ e gbo, loo lohwe ko tsɔtslɔɔ mi ɔ, i yi hyɛ; jehanɛ hu, lo nɛ a hiɔ yɛ ye nya mi hyɛ.”

Ezekiel 44:31

Osɔfo kó ye lohwe ko nɛ lɛ nitsɛ e gbo, loo lohwe kpa ko tsɔtslɔɔ e mi kɔkɔɔkɔ, lohwe pɛlitsɛ jio, nane eywiɛtsɛ jio.”

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

Mose III, 22:8

E ko ye lohwe ko nɛ lɛ nitsɛ e gbo, loo lohwe ko nɛ lohwe kpa ko tsɔtslɔɔ e mi; ke e ye ɔ, e ble e he. Imi ji Yawɛ.

Mose III, 6:4

Ke nɔ ko pee yayami nɛ ɔmɛ eko ɔ, bɔ tsuaa bɔ nɛ ji ɔ, e to nane mi sisiisi ha nɔ nɛ e tɔ̃ e nɔ ɔ. Ligbi nɛ a maa bu lɛ fɔ ɔ, e wo nɔ ɔ hiɔ ɔ sisiisi, nɛ e ngɔ nɔ́ ɔ jua a mi dlami enuɔ mi kake kɛ bɔ he ha nɔ ɔ.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Mika 6:3

Yawɛ ke, “Ye ma, mɛni i pee nyɛ? Anɛ i ha nɛ pɔ tɔ nyɛ lo? Nyɛ ha mi heto.

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Malaki 2:12

Nɔ tsuaa nɔ nɛ tsuɔ kikɛmɛ a ní nɛ ɔ, Yawɛ nɛ je lɛ kɛ je Israel bi ɔmɛ a kpɛti. A ko ngmɛ lɛ blɔ nɛ e ngɔ nike ní kɛ ba Yawɛ Tabohiatsɛ ɔ hɛ mi hu gblegbleegble.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Mose V, 15:21

Ke lohwe ɔmɛ a nane kplɔ ngɛ a sisi, loo a hɛngmɛ yu, loo sakpa ko ngɛ a he ɔ, koo ngɔ mɛ kɛ sã bɔ ha Yawɛ, o Mawu ɔ.

Samuel I, 2:29

Mɛni he je mɔ nɛ nyɛ peeɔ jiklɔɔ ngɛ bɔ ɔmɛ nɛ i fa ke a kɛ ba ha mi ɔ he? Eli, mɛni he je o buu o binyumu ɔmɛ pe mi ɔ? Mɛni he je o ngmɛ blɔ nɛ a ngɔ bɔ ɔmɛ nɛ ye ma Israel kɛ ba haa mi ɔ e mi kpakpa amɛ kɛ ngɛ a he lɛe, nɛ a ngɛ plɔkee kikɛ nɛ ɔ?